بۇۇ-نىڭ ادام قۇقىقتارى جونىندەگى جوعارعى كوميسسارى فولكەر تيۋرك سەنبىدە Twitterء-دىڭ باس اتقارۋشى ديرەكتورى يلون ماسكقا اشىق حات جولداپ، وسى الەۋمەتتىك مەديا ارناسىن باسقارۋدا ادام قۇقىقتارىن باستى ورىنعا قويۋعا شاقىردى، دەپ حابارلايدى Almaty-akshamy.kz Inform.kz-كە سىلتەمە جاساپ.
حات كومپانيانىڭ جۇما كۇنى قىزمەتكەرلەردى، سونىڭ ىشىندە Twitter-دە ادام قۇقىقتارى مەن ەتيكا ەرەجەلەرىن ساقتاۋعا جاۋاپتى ماماندار توبىن جاپپاي جۇمىستان شىعارۋ تۋرالى حابارلامالاردان كەيىن جەتتى.
«ءبىزدىڭ ورتاق قۇقىقتارىمىزدى ساقتاۋ پلاتفورمانى پايدالانۋ مەن ەۆوليۋسيا شەگىن انىقتاۋى كەرەك»، - دەپ جازدى فولكەر تيۋرك.
ول ءوزىنىڭ حاتىندا Twitterء-دى جەكە ومىرگە قول سۇعىلماۋشىلىق قۇقىعىن قورعاۋعا شاقىردى جانە كومپانيادا باسقا ادامداردىڭ قۇقىقتارىن بۇزاتىن كونتەنتتى تاراتپاۋ جاۋاپكەرشىلىگى بار ەكەنىن اتاپ ءوتتى.
27 قازاندا ماسك Twitterء-دى ساتىپ الۋ تۋرالى كەلىسىمدى جاپتى. جاڭا يەسى پايدالانۋشىلاردى ۇنەمى بۇعاتتاۋ تاجىريبەسىن جويادى دەپ كۇتىلۋدە. كاسىپكەر Twitterء-دى مودەراسيالاۋ ماسەلەسىن زەرتتەۋمەن اينالىساتىن ارنايى كەڭەس قۇرىپ جاتقانىن مالىمدەدى.
سونداي-اق يلون ماسك كومپانيانىڭ ديرەكتورلار كەڭەسىن ۋاقىتشا تاراتتى جانە كومپانيانى باسقارۋ تولىعىمەن ۋاقىتشا يلون ماسكتىڭ باقىلاۋىنا ءوتتى. بۇل تۋرالى كاسىپكەردىڭ ءوزى حابارلادى.
بۇقارالىق اقپارات قۇرالدارىنىڭ حابارلاۋىنشا، جۇما كۇنى شىعىنداردى ازايتۋ ماقساتىندا مىڭداعان قىزمەتكەر جۇمىستان شىعارىلدى
سۋرەت: Egemen.kz