شىمكەنتتە كيىم دۇكەنىنە كەزەككە تۇرۋشىلار ءبىر-بىرىن تاپتاپ كەتە جازدادى، دەپ حابارلايدى Almaty-akshamy.kz Inform.kz-كە سىلتەمە جاساپ.
«تاۋكە حان بويىندا ورنالاسقان ساۋدا ۇيلەردىڭ بىرىندە دۇكەن يەسى سپورتتىق كيىمدەردى ارزان باعامەن ساتۋ اكسياسىن ۇيىمداستىرعان. وسىعان بايلانىستى ول جەردە ادامدار كوپ جينالعان. دۇكەن اشىلعان كەزدە ادامدار ءبىر-بىرىن يتەرىپ، قىسا باستادى. وقيعا ورنىنا قوعامدىق ءتارتىپتى قامتاماسىز ەتۋ ءۇشىن ۋچاسكەلىك پۋنكتىڭ ۋچاسكەلىك ينسپەكتورلارى كەلدى. زارداپ شەككەندەر جوق. دۇكەن يەسى اكىمشىلىك جاۋاپكەرشىلىككە تارتىلادى» دەلىنگەن شىمكەنت قالاسى پوليسيا دەپارتامەنتىنىڭ باسپا ءسوز قىزمەتى اقپاراتىندا.
الەۋمەتتىك جەلىدە شىمكەنت قالاسىنداعى كيىم دۇكەنىنە كەزەككە تۇرعان ادامداردىڭ ۆيدەوسى تارادى. وندا كوپشىلىكتىڭ ءبىر-بىرىن قىسىپ، ەسىكتەن كىرە الماي جاتقانىن كورۋگە بولادى. ءتىپتى، قىسىلىپ قالعاندار اراسىندا بالالاردا بولعان.
«وسىنداي اكسيا جاساماي-اق قويىڭدارشى حالىقتى قيناماي»، «مىناۋ سۇمدىق قوي، ايتارعا ءسوزىم جوق»، «تەگىن كيىم تاراتىپ جاتقانداي»-دەپ جازعان ءبىر وقىرمان.
سۋرەت: Inform.kz