811 ميلليوننان استام ادامعا تاماق جەتپەيدى.
بۇۇ مالىمەتى بويىنشا الەمنىڭ 38 ەلىندەگى 44 ميلليون ادام اشتىق الدىندا تۇر، ال 811 ميلليوننان استام ادامعا تاماق جەتپەيدى. بۇل تۋرالى بۇۇ شتاب-پاتەرىندە وتكەن «جاھاندىق ازىق-تۇلىك قاۋىپسىزدىگى: ءىس-قيمىلعا شاقىرۋ» مينيسترلىك كونفەرەنسياسىندا ءمالىم بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعاندا، اتالعان كونفەرەنسيا ازىق-تۇلىك تاپشىلىعىنا نەعۇرلىم بەيىم ەلدەردىڭ كەڭ توبىن جانە جاھاندىق ازىق-تۇلىك قاۋىپسىزدىگىن قامتاماسىز ەتۋدە ماڭىزدى ءرول اتقاراتىن مەملەكەتتەردى بىرىكتىردى.
«بۇۇ مالىمەتى بويىنشا الەمنىڭ 38 ەلىندەگى 44 ميلليون ادام اشتىق الدىندا تۇر جانە 811 ميلليوننان استام ادامعا تاماق جەتپەيدى»،- دەلىنگەن حابارلامادا.
ءىس-شاراعا بۇۇ باس حاتشىسى انتونيۋ گۋتەرريش، اقش مەملەكەتتىك حاتشىسى ەنتوني بلينكەن، گەرمانيا، يتاليا، پاكىستان، رۋمىنيا، تۇركيا سىرتقى ىستەر مينيسترلەرى جانە بۇۇ-عا مۇشە 30 ەلدىڭ وكىلدەرى، سونداي-اق ازىق-تۇلىك جانە اۋىلشارۋاشىلىق ۇيىمى مەن دۇنيەجۇزىلىك ازىق-تۇلىك باعدارلاماسى حالىقارالىق ۇيىمدار باسشىلارى، سونداي-اق قازاقستان پرەمەر-مينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى باستاعان قازاقستاندىق دەلەگاسيا قاتىستى.
مۇحتار تىلەۋبەردى سوزىندە قازاقستان الەمدىك نارىققا اۋىل شارۋاشىلىعى ونىمدەرىن جەتكىزۋدى ودان ءارى كەڭەيتۋگە، سونداي-اق اۋعانستان اۋماعىنا حالىقارالىق گۋمانيتارلىق كومەكتى جەتكىزۋدىڭ سەنىمدى جولدارىن قامتاماسىز ەتۋگە جان-جاقتى جاردەم كورسەتۋگە دايىن ەكەنىن مالىمدەدى.
دۇنيەجۇزىلىك ازىق-تۇلىك باعدارلاماسى قازاقستاننان اۋعانستانعا وتكەن جىلدىڭ قازان ايىندا اۋعان حالقى ءۇشىن 20 مىڭ توننا ۇن ساتىپ الدى.
«وسىعان بايلانىستى ءبىز وسى ماسەلەدە بارلىق مۇددەلى جانە حالىقارالىق قۇرىلىمداردىڭ، سونىڭ ىشىندە قازاقستاندا ورنالاسقان ازىق-تۇلىك قاۋىپسىزدىگى يسلام ۇيىمىنىڭ قولداۋىنا جانە قاتىسۋىنا ءۇمىت ارتامىز»، - دەپ مالىمدەدى مينيستر.
سونىمەن قاتار، ق ر دەلەگاسياسىنىڭ باسشىسى سەرىكتەس مەملەكەتتەردى مۇقتاج ەلدەر ءۇشىن اۋىل شارۋاشىلىعى سەكتورىنداعى ەڭبەك ونىمدىلىگىن ارتتىرۋدىڭ ءتيىمدى تەتىكتەرىن قۇرۋ بويىنشا حالىقارالىق قارجىلىق قولداۋدى كۇشەيتۋگە شاقىردى.
سول كۇنى ق ر سىرتقى ساياسي ۆەدومستۆوسىنىڭ باسشىسى بۇۇ باس حاتشىسى انتونيۋ گۋتەرريشپەن ەكىجاقتى كەزدەسۋ وتكىزدى.
تاراپتار قازاقستان مەن بۇۇ اراسىنداعى تىعىز ىنتىماقتاستىقتىڭ سەرپىنى مەن پەرسپەكتيۆالارىن تالقىلادى.
مينيستر جاڭا قازاقستاندى قۇرۋ بويىنشا ق ر پرەزيدەنتى قاسىم-جومارت توقايەۆتىڭ جۇرگىزىپ جاتقان رەفورمالارى جانە ق ر كونستيتۋسياسىنا تۇزەتۋلەر ەنگىزۋ بويىنشا الداعى رەفەرەندۋم تۋرالى ەگجەي-تەگجەيلى اقپارات بەردى.
سونداي-اق، بۇۇ باس حاتشىسىنا مەملەكەت باسشىسى اتىنان بيىلعى جىلدىڭ 14-15 قىركۇيەگىندە نۇر-سۇلتان قالاسىندا وتەتىن الەمدىك جانە ءداستۇرلى دىندەر ليدەرلەرىنىڭ VII سەزىنە شاقىرۋ تاپسىرىلدى.