اتا-انانىڭ پەرزەنتى الدىنداعى جاۋاپكەرشىلىگى ەكى-ۇش ەسەگە ارتتى.
سايكەسىنشە، جىلدان جىلعا بالالار قۇقىقتارى تۋرالى زاڭ دا كۇشەيىپ كەلەدى، دەپ حابارلايدى Almaty-akshamy.kz
ەگەر بالا قۇقىعى بۇزىلسا، بۇرىنعىداي تاراپتاردىڭ كەلىسىمى دەگەن ءسوز جوق.
بىردەن جاۋاپقا تارتىلادى. ال ەكى جىل بۇرىن بالالار قۇقىقتارى تۋرالى زاڭعا تۇڭعىش رەت بۋللينگ دەگەن ۇعىم ەنگىزىلدى.
ەندى، بالاعا كۇشپەن ەمەس، سوزبەن قىسىم كورسەتكەندەر دە زاڭ الدىندا جاۋاپ بەرەدى.
«وتكەن جىلدىڭ جەلتوقسان ايىندا مەملەكەت باسشىسىنىڭ تاپسىرماسىنا سايكەس، بالا قۇقىقتارى جونىندەگى كونۆەنسيانىڭ 3 فاكۋلتاتيۆتىك حاتتاماسىن قازاقستان راتيفيكاسيالادى. بۇل نەنىن بىلدىرەدى؟! ەلىمىزدەگى قۇقىقتىق دەڭگەيدەگى، ەڭ جوعارعى دەڭگەيدەگى ماسەلەسى شەشىمىن تاپپاعان كەز كەلگەن بالا بۇۇ-نا ءوزىنىڭ شاعىمىن، قۇقىقتارىنىڭ بۇزىلۋى تۋرالى ارىز، ياعني ءوتىنىش بەرە الۋ مۇمكىندىگىنە يە بولدى»، دەدى ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى جولداس باتىرحان.