مەملەكەت باسشىسى قاسىم-جومارت توقايەۆ عالىمدارمەن كەزدەستى.
ونىڭ بارىسىندا پرزيدەنت قاسىم-جومارت توقايەۆ ەڭبەك ادامىنىڭ مارتەبەسىن كوتەرۋ تۋرالى ايتتى، دtپ حابارلادى Almaty-akshamy.kz Kaz.inform.kz-كە سىلتەمە جاساپ.
«تاعى ءبىر ماسەلە. مەن ەڭبەك ادامىنىڭ مارتەبەسىن كوتەرۋ تۋرالى ۇنەمى ايتىپ ءجۇرمىن. وتكەن بەس جىلدىڭ ىشىندە بۇل باعىتتا كوپ شارۋا اتقارىلدى. ءتيىستى زاڭدارعا وزگەرىستەر ەنگىزىلدى. جالاقى كوتەرىلدى. باسقا دا الەۋمەتتىك قولداۋ شارالارى قولعا الىندى. مەملەكەتتىك ماراپاتتار ناعىز ەڭبەك ادامىنا تاپسىرىلىپ جاتىر. وسىنداي ناقتى جۇمىستىڭ ناتيجەسىندە ءتۇرلى ماماندىق يەلەرىنىڭ بەدەلى ارتا ءتۇستى. ماماندىقتىڭ جامانى جوق. ەلىمىز ءۇشىن بارلىق كاسىپ يەلەرى قاجەت. ءوز ءىسىنىڭ حاس شەبەرى اتانعان ادام مىندەتتى تۇردە تابىسقا جەتەدى. تۇپتەپ كەلگەندە، بۇل – قوعامدا ەڭبەكقورلىق پەن كاسىبي بىلىكتىلىكتى جاپپاي دارىپتەۋ دەگەن ءسوز. باسەكەگە قابىلەتتى ۇلت بولۋ ءۇشىن قوعامدا وسى قۇندىلىقتار ورنىعۋى قاجەت»، - دەدى پرەزيدەنت.
سونداي-اق، مەملەكەت باسشىسى عالىمدارمەن كەزدەسۋ بارىسىندا عالىمداردىڭ مارتەبەسىن كوتەرۋ جونىندە دە ايتتى.
«ءبىز عالىمدارعا جاعداي جاساۋ كەرەك دەپ ءجيى ايتامىز. بۇل – قۇر ءسوز ەمەس. مەملەكەت تاراپىنان ناقتى جۇمىس جاسالىپ جاتىر. الداعى ەكى جىلدا جاس عالىمداردىڭ زەرتتەۋىنە بولىنەتىن گرانت سانى تاعى دا كوبەيەدى. بيۋدجەتتەن 18 ميلليارد تەڭگە بولىنەدى. بىلتىر 284 جاس عالىم باسپانا الدى. بيىل مەنىڭ تاپسىرماممەن ولارعا تاعى 200 پاتەر بەرىلەتىن بولدى. وسىنداي ناقتى شارالار ارقىلى ەلىمىزدەگى عىلىمدى جانە جالپى عالىمدار قاۋىمىن قولداۋ جۇمىسى الداعى ۋاقىتتا دا جالعاسىن تابادى»، - دەدى قاسىم-جومارت توقايەۆ.