ونىڭ اۆتوكولىگى ايىپپۇلىن تولىق وتەگەنگە دەيىن تۇراققا قويىلدى
وسكەمەن قالاسىندا 79 رەت جول ەرەجەسىن بۇزعان جۇرگىزۋشى انىقتالدى، دەپ حابارلايدى Almaty-akshamy.kz.
شقو پوليسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى 13 ماۋسىمنان باستاپ ءوڭىر اۋماعىندا «بورىشكەر» جەدەل الدىن الۋ شاراسىن وتكىزۋدە.
«شارا بارىسىندا جول ءجۇرۋ ەرەجەسىن ۇنەمى بۇزىپ جۇرگەن وسكەمەن قالاسىنىڭ 26 جاستاعى تۇرعىنى انىقتالدى. جۇرگىزۋشىنىڭ جالپى سوماسى 1 600 000 تەڭگەنى قۇرايتىن 79 اكىمشىلىك ايىپپ ۇلى بار بولىپ شىقتى. قازىرگى ۋاقىتتا ونىڭ اۆتوكولىگى ايىپپۇلىن تولىق وتەگەنگە دەيىن تۇراققا قويىلدى»، - دەلىنگەن اقپاراتتا.
ءبىر كۇن ىشىندە پوليسيا قىزمەتكەرلەرى پاتەرلەر مەن جەر ۇيلەردى ارالاپ، جالپى سوماسى 17 ملن تەڭگە بولاتىن اكىمشىلىك ايىپپۇل بويىنشا بەرەشەگى بار 2 000-نان استام ازاماتتى حاباردار ەتتى.
ەستەرىڭىزگە سالا كەتسەك، وسىعان دەيىن ءۇي الماق بولعان وسكەمەن تۇرعىنىنىڭ الاياققا 10 ملن تەڭگە بەرگەنىن حابارلاعان ەدىك.