جۇڭگو استاناسىنىڭ مۋنيسيپالدى بيلىگى قالانىڭ COVID-19-دان ۆاكسيناسيالانباعان تۇرعىندارىنا ادامدار كوپ جينالاتىن ورىندارعا كىرۋگە تىيىم سالۋ تۋرالى شەشىم قابىلدادى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
بەيجىڭ گيگيەنا جانە دەنساۋلىق ساقتاۋ كوميتەتى باسشىسىنىڭ ورىنباسارى لي ان سارسەنبىدە وتكەن باسپا ءسوز ءماسليحاتىندا مالىمدەگەندەي، بۇل ەرەجە 11 شىلدەدەن كۇشىنە ەنەدى.
ۆاكسيناسيا تۋرالى سەرتيفيكات وقۋ ورىندارىنا، كىتاپحانالارعا، مۇراجايلارعا، كوركەم گالەرەيالارعا، مادەنيەت ۇيلەرىنە، ستاديوندارعا، سپورت زالدارىنا، ويىن-ساۋىق ورىندارىنا، ينتەرنەت-كافەلەرگە جانە باسقا ورىندارعا بارعان كەزدە تالاپ ەتىلەدى.
شەكتەۋلەر دەنساۋلىق جاعدايىنا بايلانىستى ۆاكسيناسيالاۋعا بولمايتىن ادامدارعا قاتىستى بولمايدى.
وتكەن تاۋلىكتە بەيجىڭدە COVID-19 جۇقتىرعان التى ادام انىقتالدى. قالا تۇرعىندارىنىڭ سانى 22 ملن ادامدى قۇرايدى.
بەيجىڭ بيلىگى ۆاكسينا الماعاندار ءۇشىن شەكتەۋ ەنگىزدى
- اۆتور Almaty-akshamy
- 15:10، 07 شىلدە 2022
سۋرەت: Baq.kz