تۇركىمەنستاننىڭ بۇرىنعى پرەزيدەنتى گۋربانگۋلى بەردىمۇحامەدوۆتىڭ ۇلكەن قىزى وگۋلجاحان اتابايەۆا اكەسىنىڭ اتىمەن اتالعان قايىرىمدىلىق قورىنىڭ ەمدەۋ قىزمەتى بويىنشا ۆيسە-پرەزيدەنتى بولىپ تاعايىندالدى، دەپ حابارلايدى aqshamnews.kz Turkmen.news. سىلتەمە جاساپ.
اتالعان قور كومەككە مۇقتاج بالالارعا قولداۋ كورسەتۋمەن اينالىسادى. بۇل شەشىم 7 جەلتوقساندا اركاداگ قالاسىندا وتكەن قور باسقارماسىنىڭ وتىرىسىندا قابىلداندى.
بۇعان دەيىن وگۋلجاحان اتابايەۆا مەن ونىڭ جۇبايى دوۆلەت اتابايەۆ ۇلىبريتانيادا تۇرعان. اتابايەۆ لوندوندا تۇركىمەنستان ەلشىلىگىنىڭ كەڭەسشىسى بولىپ قىزمەت اتقارعان. 2019 جىلى ەرلى-زايىپتىلار كۇلكىلى جاعدايعا تاپ بولدى: جەرگىلىكتى ۆەلوسيپەدشى اتابايەۆتىڭ كولىك جۇرگىزىپ وتىرىپ تەلەفون قولدانعانىن ۆيدەوعا ءتۇسىرىپ، ەسكەرتۋ جاساعان ەدى.
ءقازىر ەرلى-زايىپتىلار تۇركىمەنستانعا ورالدى. ب ا ق مالىمەتىنشە، اتابايەۆ فورمالدى تۇردە مەملەكەتتىك قۇرىلىس كوميتەتىنىڭ ءتوراعاسىنىڭ كەڭەسشىسى رەتىندە تىركەلگەنىمەن، شىن مانىندە اركاداگ قالاسىنداعى مەديسينالىق نىسانداردى قاداعالايدى.
ايتا كەتەيىك، اركاداگ – تۇركىمەنستاننىڭ نەگىزگى جوبالارىنىڭ ءبىرى، وندا بەردىمۇحامەدوۆتار وتباسى بەلسەندى تۇردە اتسالىسۋدا. اتابايەۆانىڭ تاعايىندالۋى بۇل اۋلەتتىڭ ەلدەگى ىقپالى ءالى دە ايتارلىقتاي ەكەنىن كورسەتەدى.