قازاقستاندا بۇرىنعى باس كولىك پروكۋرورى ماقسات دۇيسەنوۆكە ىزدەۋ جاريالاندى. ىشكى ىستەر ءمينيسترى ەرجان سادەنوۆ بۇل جاعدايعا قاتىستى پىكىر ءبىلدىردى ، - دەپ حابارلايدى اqshamnews.kz ءتىلشىسى.
بۇل اقپاراتتى باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا ىزدەستىرۋ ءىسى 29 تامىزدا الماتى قالاسى المالى اۋداندىق پوليسيا باسقارماسىنىڭ باستاماسىمەن پروكۋراتۋرا تاراپىنان تىركەلگەنى جازىلعان. 52 جاستاعى دۇيسەنوۆ ىزدەۋدەگى تۇلعالار بازاسىندا تۇر.
ىشكى ىستەر ءمينيسترى ەرجان سادەنوۆ بۇگىن كۋلۋاردا بۇل ماسەلەگە قاتىستى پىكىر ءبىلدىردى.
"ىزدەۋ ينيسياتورى ءبىز ەمەس. قىلمىستىق ءىس قوزعالعانىنا بايلانىستى، سىزگە (جۋرناليستەرگە - ەسك.) قۇزىرلى ورگاندارعا جۇگىنۋ قاجەت. ءيا، ىزدەۋ جاريالانعان. بۇل ماسەلەنى باستاماشىمەن بىرلەسىپ شەشەمىز"، - دەدى سادەنوۆ.
ىزدەۋ جاريالانعان ماقسات دۇيسەنوۆ قاي باپ بويىنشا كۇدىككە ىلىنگەنى بەلگىسىز. مينيستر ەرجان سادەنوۆ بۇل سۇراققا جاۋاپ بەرگەن جوق.
ماقسات دۇيسەنوۆ تۋرالى نە بەلگىلى؟
ماقسات دۇيسەنوۆ 2018 جىلعى تامىزدا سول كەزدەگى باس پروكۋرور قايرات قوجامجاروۆتىڭ بۇيرىعىمەن قازاقستاننىڭ باس كولىك پروكۋرورى بولىپ تاعايىندالعان.
2013–2014 جىلدارى قازاقستان رەسپۋبليكاسى قاۋىپسىزدىك كەڭەسىنىڭ سەكتور مەڭگەرۋشىسى قىزمەتىن اتقاردى.
2016–2018 جىلدارى سىبايلاس جەمقورلىققا قارسى ءىس-قيمىل ۇلتتىق بيۋروسى باسشىسىنىڭ ورىنباسارى بولىپ جۇمىس ىستەدى.
2018 جىلعى قاڭتاردان باستاپ باس كولىك پروكۋرورىنىڭ ءبىرىنشى ورىنباسارى قىزمەتىن اتقارعان.