ۇنەمشىل بولماساق، تازا سۋ بەرەتىن جاڭا نىسانداردى ىسكە قوسقانمەن، تاپشىلىقتى جويا المايمىز.
بۇل تۋرالى ەلدىڭ الەۋمەتتىك-ەكونوميكالىق ماسەلەلەرى جونىندەگى كەڭەيتىلگەن كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ
«سۋدىڭ دا سۇراۋى بار». ونى نەعۇرلىم كوپ تۇتىنساڭ، سوعۇرلىم كوپ اقشا تولەيسىڭ. بۇل – جۇرتتى ۇنەمشىل بولۋعا ۇيرەتەتىن ادىلەتتى جانە قاراپايىم ۇستانىم. دامىعان ەلدەردىڭ تۇرعىندارى ءار نارسەنىڭ ءقادىرىن بىلەدى. ۇنەمشىلدىك ولاردىڭ ءومىر سالتىنا اينالعان. ءتىپتى، سۋ مەن جىلۋدى ىسىراپ ەتپەۋدى بالالارعا جاستايىنان ۇيرەتەدى. ءبىزدىڭ ازاماتتارىمىز دا وسىنداي ۇنەمشىل بولۋى كەرەك. اسىرەسە، سۋدى ۇنەمدەپ تۇتىنۋىمىز كەرەك. مەن سۋ تاپشىلىعىنىڭ ارتىپ جاتقانىن ۇدايى ايتىپ ءجۇرمىن. ساراپشىلاردىڭ پايىمداۋىنشا، 2040 جىلعا قاراي سۋعا دەگەن سۇرانىس 50 پايىزعا ارتادى»، – دەدى قاسىم-جومارت توقايەۆ.
پرەزيدەنتتىڭ ايتۋىنشا، قازاقستان 2050 جىلعا قاراي «سۋعا وتە مۇقتاج» ەلدەردىڭ ساناتىنا كىرۋى مۇمكىن.
«ءقازىر ەلىمىزدە 600 مىڭنان استام ادام تازا اۋىز سۋعا ءزارۋ. بۇل – اۋىلداعى اعايىن عانا ەمەس، قالا حالقى ءۇشىن دە وتە وزەكتى ماسەلە. ءىرى شاھارلاردىڭ ينفراقۇرىلىمى جىلدان-جىلعا ارتىپ كەلە جاتقان سۇرانىسقا جاۋاپ بەرە الماي وتىر. ءتىپتى، استانانىڭ وزىندە سۋ تاپشىلىعى قاتتى سەزىلە باستادى. باستى سەبەپتىڭ ءبىرى – قۇرىلىستىڭ كوبەيۋى. ۇنەمشىل بولماساق، تازا سۋ بەرەتىن جاڭا نىسانداردى ىسكە قوسقانمەن، تاپشىلىقتى جويا المايمىز»، – دەدى مەملەكەت باسشىسى.