بيىل كوپىر قۇرىلىسىنا 5 ملرد تەڭگە بولىنگەن.
شىعىس قازاقستان وبلىسىنداعى بۇقتىرما ارقىلى وتەتىن كوپىر قۇرىلىسىنا تاعى 15 ملرد تەڭگە قاجەت، دەپ حابارلايدى اlmaty-akshamy.kz.
پرەزيدەنت قاسىم-جومارت توقايەۆتىڭ تاپسىرماسىمەن شىعىس قازاقستانداعى كۇرشىم مەن سامار اۋداندارىن جالعايتىن «قىزىل تۋ» وتكەلىنە كوپىر سالىنىپ جاتقانى بەلگىلى. كوپىر قۇرىلىسى 2024 جىلعا دەيىن اياقتالادى دەپ جوسپارلانعان.
شقو جولاۋشىلار كولىگى جانە اۆتوموبيل جولدارى باسقارماسىنىڭ حابارلاۋىنشا، قازىرگى ۋاقىتتا كۇرشىم مەن سامار جاقتاعى ەكى جاعالاۋدا دا تىرەۋىشتەر سالىنۋدا. ۋاقىتشا كوپىر سالىنىپ ءبىتتى، وندا قۇرىلىس-مونتاجداۋ جۇمىستارى جۇرگىزىلۋدە.
«بيىل كوپىر قۇرىلىسىنا 5 ملرد تەڭگە بولىنگەن. الايدا بۇل سوما جەتكىلىكسىز. تاعى دا 15 ملرد تەڭگە قاجەت. بۇل ەلىمىزدەگى ەڭ ۇزىن كوپىر بولماق. ونىڭ ۇزىندىعى 1316 شاقىرىمدى قۇرايدى. كوپىر سالىنعان سوڭ وبلىستىڭ كولىك لوگيستيكاسى تۇبەگەيلى وزگەرىپ، بىردەن ءۇش اۋدان – كۇرشىم، تارباعاتاي جانە زايسان تۇرعىندارىنىڭ وسكەمەنگە قاتىناۋى جەڭىلدەيدى. كوپىر تاۋلىگىنە 20 مىڭنان استام كولىكتى وتكىزەدى دەپ بولجانۋدا»، - دەيدى باسقارما باسشىسى نۇرجان ءجۇمادىلوۆ.