2023 جىلعى 3 شىلدەدەن باستاپ اپتاسىنا 2 رەيس ۇشادى دەپ جوسپارلانعان.
استانا مەن تاشكەنتتىڭ اراسىنا تاعى ءبىر ۇشاق قاتىنايدى، دەپ حابارلايدى اlmaty-akshamy.kz.
ق ر يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياسيا كوميتەتى قازاقستاندىق اۋە كومپانيالارمەن بىرلەسىپ حالىقارالىق رەيستەر سانىن ۇلعايتۋ جانە ۇشۋ گەوگرافياسىن كەڭەيتۋ بويىنشا جۇمىس جۇرگىزۋدە.
«ماسەلەن، 2023 جىلعى 3 شىلدەدەن باستاپ «FlyArystan» اۋە تاسىمالداۋشىسى ا–320 ءتيپتى اۋە كەمەلەرىندە اپتاسىنا 2 رەيس جيىلىگىمەن (دۇيسەنبى، سارسەنبى) استانا-تاشكەنت باعىتى بويىنشا تىكەلەي تۇراقتى جولاۋشىلار رەيستەرىن اشۋدى جوسپارلاپ وتىر.
قازاقستان مەن وزبەكستان اراسىنداعى رەيستەر سانىنىڭ ارتۋى قازاقستان مەن وزبەكستان اراسىنداعى ساۋدا-ەكونوميكالىق، مادەني جانە تۋريستىك قاتىناستاردىڭ ودان ءارى دامۋىنا ىقپال ەتەتىن بولادى»، - دەپ جازدى ۆەدومستۆودان.