شقو توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتى بويىنشا، التاي اۋدانى وكتيابرسكيي كەنتىندەگى بۇقتىرما سۋ قويماسىنىڭ گۋسينىي ارالىندا ءورت بولدى.
وقيعا ورنىنا جەتۋ ءۇشىن ءورت سوندىرۋشىلەرگە سۋدا قايىقپەن ءجۇزىپ بارۋعا تۋرا كەلدى. قىزىل جالىن ءشوپ پەن قامىستى شارپىعان.
«سول جەرگە جەتكەن №20 ءورت ءسوندىرۋ بولىمشەسىنىڭ جانە № 8 قۇتقارۋ بولىمشەسىنىڭ قىزمەتكەرلەرى وتپەن كۇرەسكە كىرىستى. كوپ ۇزاماي جالپى اۋدانى 6 گەكتاردى قۇراعان ءتىلسىز جاۋ تولىقتاي اۋىزدىقتالدى»، - دەلىنگەن اقپاراتتا.
ايتا كەتەيىك، ءورتتى وشىرۋگە بارلىعى 6 ادام جۇمىلدىرىلعان.