ەسەنتاي وزەنى ارقىلى وتەتىن كوپىردى رەكونسترۋكسيالاعان سوڭ ءال-فارابي داڭعىلىنىڭ بويىنا 600-دەن استام اعاش وتىرعىزىلادى، دەپ حابارلايدى Almaty-akshamy.kz.
جاسىل جەلەكتەردى ينۆەنتاريزاسيالاۋ جانە ورمان-پاتولوگيالىق زەرتتەۋ ماتەريالدارىنا سايكەس، كوپىردى رەكونسترۋكسيالاۋ اۋماعىندا بارلىعى 101 اعاش كەسىلگەن، بۇل اعاشتار حالىقتىڭ از قوزعالاتىن توپتارى ءۇشىن ۆەلوسيپەد جولدارىنىڭ، تروتۋارلار مەن پاندۋستاردىڭ كونسترۋكسياسىنا تۇزەتۋلەر ەنگىزۋ ءۇشىن الىنادى، ال 28 اعاشتى ساقتاپ، 10 اعاشتى ترانسپلانتاسيالاۋعا بولادى (ونىڭ 3ء-ى ترانسپلانتاسيالانعان). كەسۋ ايماعىنداعى قالعان اعاشتار بويىنشا الماتى قالاسى ەكولوگيا جانە قورشاعان ورتا باسقارماسىنىڭ قىزمەتكەرلەرىمەن، جاقىن ماڭداعى تۇرعىن ۇيلەردىڭ تۇرعىندارىمەن، وسىمدىكتەردى قورعاۋ جانە كارانتين ينستيتۋتىنىڭ ەكولوگتارىمەن، سونداي-اق بەلسەندىلەرمەن بىرلەسىپ زەرتتەۋ جۇرگىزىلدى. ولاردىڭ ىشىندە سالتانات ءتاشىموۆا، ومار نۇرحايداروۆ جانە ت.ب. ساراپشىلاردىڭ پىكىرىنشە، جەتىلۋ جاسىنا جەتكەن اعاشتاردى قايتا وتىرعىزۋ ورىنسىز.
ءوز كەزەگىندە، كوشەتتەردى ۋاقىتشا قايتا وتىرعىزۋ كۇزگى كەزەڭدە بەيىمدەلۋ ءۇشىن پيتومنيك اۋماعىندا جۇزەگە اسىرىلادى. جىل سوڭىنا دەيىن كەسىلگەن اعاشتاردىڭ ورنىنا كوشەتتەردى ون ەسە مولشەردە وتەمدىك وتىرعىزۋ جۇرگىزىلەدى.
ەكولوگيا جانە قورشاعان ورتا باسقارماسىنىڭ مونيتورينگ جانە جاسىل قوردى باسقارۋ ءبولىمىنىڭ باسشىسى نۇرلان قۇتتىبايەۆتىڭ ايتۋىنشا، قايتا جاڭارتۋ اياقتالعاننان كەيىن ۋاقىتشا توتىرعىزىلعان جاسىل جەلەكتەر جاعالاۋ بويىنا قايتا وتىرعىزىلادى.
"ەگەر ءبىز ولاردى وسىندا قالدىرساق، اعاشتار تامىرلانادى. سونىمەن قاتار، جىل سوڭىنا دەيىن كەسىلگەن اعاشتاردىڭ ورنىنا ون ەسە مولشەردە كوشەتتەر وتىرعىزىلادى. بۇل رەتتە، جاسىل ەكپەلەردى قورعاۋ ەرەجەلەرىن ەسكەرە وتىرىپ، بيىكتىگى كەمىندە 4 م بولاتىن ءىرى ولشەمدى كوشەتتەر وتىرعىزىلاتىن بولادى"،-دەدى نۇرلان قۇتىبايەۆ.
ەسكە سالساق، كوپىردى قايتا قۇرۋ جۇمىستارىن باستاماس بۇرىن ەسەنتاي وزەنى بويىنداعى كوپىر مۇقيات تەكسەرىلىپ، اپاتتى ەكەنىن انىقتالعان ەدى.
"ارالىق قۇرىلىستاردىڭ شەتكى تاقتالارىندا سىنعان بەتوندار بار. بۇل تىرەك ايماعىنداعى جۇمىستاردى قيىنداتىپ، بەتوننىڭ قورعانىش قاباتى بۇزىلادى، بۇل ءقاۋىپتى ساناتقا جاتادى، ويتكەنى ولار ارالىق قۇرىلىمنىڭ جۇك كوتەرگىشتىگىن ايتارلىقتاي تومەندەتەدى. سوندىقتان كوپىردى قايتا قۇرۋ جۇمىستارى باستالدى. بارلىعى 96 دانا كولەمىندە ارالىق قۇرىلىستىڭ پليتالارىن بولشەكتەۋ جانە مونتاجداۋ جوسپارلانعان. جوبادا جاياۋ جۇرگىنشىلەردىڭ قاۋىپسىزدىگى ءۇشىن سولتۇستىك جانە وڭتۇستىك جاعىنان ەكى ۆەلو-جاياۋ كوپىر قاراستىرىلعان. قۇرىلىستىڭ نورماتيۆتىك ۇزاقتىعى توعىز ايدى قۇرايدى، ءبىراق جۇمىس ەكى اۋىسىمدا جۇمىس كەستەسىنەن بۇرىن جۇرگىزىلەدى. وسىعان بايلانىستى كوپىردى رەكونسترۋكسيالاۋدى وقۋ جىلى باستالعانعا دەيىن اياقتاۋ جوسپارلانۋدا، ۆەلوسيپەد-جاياۋ جۇرگىنشىلەر كوپىرلەرىن جايلاستىرۋ – اعىمداعى جىلدىڭ قازان ايىنىڭ ورتاسىنا دەيىن ىرگەلەس اۋماقتى اباتتاندىرۋ بويىنشا جۇمىستاردى اياقتاۋ 2024 جىلدىڭ اقپانىنا جوسپارلانعان"، - دەپ اتاپ ءوتتى الماتى قالالىق موبيلدىلىك باسقارماسى جول ينفراقۇرىلىمىن دامىتۋ ءبولىمىنىڭ باسشىسى ايدوس جەلدىكبايەۆ.
سونىمەن قاتار، جەرگىلىكتى تۇرعىندار دا جوبامەن تانىستى. مەدەۋ اۋدانىنىڭ تۇرعىنى اركەن احمەتوۆتىڭ ايتۋىنشا، ەگەر جۇمىستىڭ ءبارى جوبا بويىنشا ورىندالسا، وندا بۇل جەرە ادامداردىڭ سەرۋەندەۋىنە وتە ىڭعايلى بولادى.
"مەن ءوزىم كەشكە جاعالاۋدا سەرۋەندەگەندى ۇناتامىن. كوپىردىڭ استىنداعى باسپالداق بالالار مەن قارت ادامداردىڭا كوتەرىلۋى جانە ءتۇسۋى ءۇشىن وتە ءقاۋىپتى. بالالى اربالارى بار انالار مەن قوسىمشا قاجەتتىلىكتەگى جاندار ءۇشىن پاندۋستار سالۋ وتە پايدالى بولادى"، - دەپ اتاپ ءوتتى اركەن احمەتوۆ.