وكق بريفينگىندە سويلەگەن سوزىندە الماتى قالاسى مەملەكەتتىك كىرىستەر دەپارتامەنتى باسشىسىنىڭ ورىنباسارى زاڭعار شىندالي تولەمدى ءوز شوتتارىنا قابىلدايتىن داياشىلاردىڭ ءموبيلدى اۋدارىمدارى تەكسەرىلە مە دەگەن ساۋالعا جاۋاپ بەردى.
قالا تۇرعىندارى قوعامدىق تاماقتاندىرۋ ورىندارىندا داياشىلار تولەمدەردى ءوز نومىرلەرىنە ءموبيلدى اۋدارىمدار ارقىلى قابىلدايتىنىن ايتۋدا، دەپ حابارلايدى اlmaty-akshamy.kz. وسى رەتتە بۇدان سوڭ ولاردى دەكلاراسيالاۋدىڭ قاجەتى جوق پا جانە كافە مەن مەيرامحانا يەلەرى وسىلايشا كىرىستەرىن جاسىرىپ وتىرعان جوق پا دەگەن سۇراق تۋىندايدى.
«اۋدارىمدارمەن، اسىرەسە ءۇشىنشى تۇلعالاردىڭ شوتتارىنا قابىلداۋ دۇرىس ەمەس. مۇندا كىرىستى جاسىرۋ فاكتىلەرى بولۋى مۇمكىن. سەبەبى داياشى مەيرامحانا يەسىنىڭ كاسىپكەرلىك قىزمەتىمەن ەشقانداي بايلانىسى جوق. سوندىقتان مۇندا ءبىرىنشى كەزەكتە تولەمنىڭ POS-تەرمينالدار ارقىلى نەمەسە قولما - قول اقشامەن بولۋىن تالاپ ەتۋ قاجەت جانە مىندەتتى تۇردە چەكتەر تالاپ ەتىلۋى ءتيىس»، - دەپ جاۋاپ بەردى ز.شىندالي.
سونىمەن قاتار، مەيرامحانا يەسى وسى ارقىلى ءوز جۇمىسشىلارىنا ءقاۋىپ توندىرەدى، ويتكەنى داياشىلارعا اۋدارىمداردى تەكسەرۋ كەزىندە سۇراقتار تۋىنداۋى مۇمكىن.
بريفينگ بارىسىندا مەملەكەتتىك كىرىستەر دەپارتامەنتىنىڭ وكىلىنەن: ەگەر اۋدارىمداردا الۋشىعا «قايىرىمدىلىققا» نەمەسە «كومەككە» حابارلاما جازىلسا، بۇل قوسىمشا تابىس بولىپ سانالماي ما دەگەن ساۋال قويىلدى.
«جوق، ەسەپتەلمەيدى. سەبەبى بىزدە قايىرىمدىلىققا سالىق سالىنبايدى»، - دەپ جاۋاپ بەردى ز. ءشىڭدالى.
ەستەرىڭىزگە سالا كەتەيىك، 2024 جىلدىڭ 1 قاڭتارىنان باستاپ قازاقستاندا كاسىپكەرلىك قىزمەت بەلگىلەرى بار ازاماتتاردىڭ ءموبيلدى اۋدارمالارى تەكسەرىلە باستادى.