Almaty-akshamy.kz سايتىندا بۇگىن جارىق كورگەن جاڭالىقتار لەگى – كۇن كەرۋەنى
الماتىنى قاردان ارشۋ قيىن بولىپ تۇر
قار جاۋعانعا دەيىن الدىن الا نەگىزگى ماگيسترالدىق كوشەلەر سۇيىق رەاگەنتتەرمەن وڭدەلگەن. كوكتايعاقتىڭ الدىن الۋ ماقساتىندا ساعات 05:00-دەن باستاپ 126 قۇم تاراتقىش ارقىلى كوكتايعاققا قارسى ماتەريالدار (كقم) سەبىلدى. ساعات 09:00-دەگى جاعداي بويىنشا 386 توننا كقم پايدالانىلدى. تروتۋارلار مەن جالپى پايدالانىلاتىن ورىندار، قوعامدىق كولىك ايالدامالارى مەن جەر ءۇستى جاياۋ جۇرگىنشىلەر وتكەلدەرى قولمەن كۇرەلىپ جاتىر.
مەترو نەگە ىستەمەي قالدى؟
كەپتەلىسى بىتپەيتىن الماتى ءۇشىن مەترو ءتيىمدى، جىلدام كولىك بولىپ تۇرعانى راس. بۇگىن تاڭعى ۋاقىتتا رايىمبەك بەكەتىندە اقپاراتتىق بايلانىس جەلىسىنىڭ جۇمىسىنىڭ اقاۋىنا بايلانىستى مەترو پويىزدارى قولمەن باسقارۋ رەجيمىنە اۋىستىرىلدى. سوعان بايلانىستى بارلىق بەكەتتەردە پويىزداردىڭ ءجۇرىس ينتەرۆالى ۋاقىتشا ۇزاردى. ماماندار جوندەۋ جاساپ، كوپ ۇزاماي ۇيرەنشىكتى ينتەرۆال قايتا قالپىنا كەلتىرىلدى.
وكسفورد قازاق ءتىلىن وقيدى
بۇل تۋرالى قازاقستان رەسپۋبليكاسىنىڭ عىلىم جانە جوعارى ءبىلىم مينيسترلىگى مەن وكسفورد ۋنيۆەرسيتەتى اراسىندا كەلىسىمگە قول قويىلدى.
«ءتىل – حالقىمىز ءۇشىن باستى قۇندىلىقتاردىڭ ءبىرى. بۇگىن قازاق جانە اعىلشىن تىلىندەگى Oxford Qazaq سوزدىگىن تانىستىرا وتىرىپ، ءبىز جاڭا تاريحي بەلەسكە كوتەرىلەمىز. سونىڭ ارقاسىندا الەم جۇرتشىلىعى ءبىزدىڭ مادەنيەتىمىز بەن حالقىمىزدىڭ تاريحى تۋرالى مول مالىمەت بىلەتىن بولادى. ءبىز قازاق ءتىلىن تەك قاعاز جۇزىندە عانا ەمەس، مەملەكەتتىك ءتىلدى دامىتۋدى سيفرلاندىرۋ ارقىلى بەلسەندى تۇردە جۇزەگە اسىرامىز»، دەدى ءبىلىم جانە عىلىم ءمينيسترى.
الماتىدان قايتارىلعان افريكالىقتار
ولار قازاقستاندا جۇرگەن كەزىندە كوشى-قون زاڭناماسىن بۇزعان، اتاپ ايتقاندا، زاڭنامادا بەلگىلەنگەن مەرزىمدە قازاقستان رەسپۋبليكاسىنىڭ اۋماعىنان شىقپاعان. قازاقستان رەسپۋبليكاسىنىڭ كوشى-قون زاڭناماسىن بۇزعانى ءۇشىن ۇستالعان افريكا قۇرلىعى ەلدەرىنىڭ 19 ازاماتى ءوز ەلدەرىنە قايتارىلدى.
قازاقستاندىقتارعا قولايلى ۋاقىت بەلدەۋى انىقتالدى
تابيعي ۋاقىتقا جاقىن ەڭ وڭتايلى نۇسقا وسى بولدى. 2024 جىلدىڭ 1 ناۋرىزىنان باستاپ قازاقستان رەسپۋبليكاسىنىڭ بۇكىل اۋماعىندا 5ء-شى ساعاتتىق بەلدەۋ (UTC +5) قولدانىلادى. مەديسينا، فيزيولوگيا، گەوگرافيا، مەترولوگيا سالالارىنىڭ ماماندارى بىلتىر جىل بويى قازاقستان اۋماعىندا قولايلى ۋاقىت بەلدەۋىن بەلگىلەۋ ماسەلەسىن زەرتتەپ، وسىنداي شەشىمگە كەلگەن.
سۋعا جەلى سالدىرعان...
كاسپيي تەڭىزىنىڭ تابانى ارقىلى بايلانىس جەلىسى سالىنادى. پرەزيدەنتكە قازاقستان مەن ازەربايجان اراسىندا كاسپيي تەڭىزىنىڭ تابانى ارقىلى ترانسكاسپيي تالشىقتى-وپتيكالىق بايلانىس جەلىسىن سالۋ جوباسىنىڭ ىسكە اسىرىلۋ بارىسى تانىستىرىلدى. بۇل جوبا قازاقستاننىڭ اسا ماڭىزدى وڭىرلىك تەلەكوممۋنيكاسيالىق حابقا اينالۋىنا، ەل اۋماعىنان وتەتىن حالىقارالىق ترافيك ءترانزيتىن ۇلعايتۋعا مۇمكىندىك بەرەدى.
الماتىدا اتاتۇرىكتىڭ ەسكەرتكىشى اشىلدى
بيىكتىگى 3 مەتردەن تۇراتىن قولا ەسكەرتكىشتىڭ تۇعىرى گرانيتتەن جاسالعان. ەسكەرتكىشتىڭ اۆتورلارى قازاقستاندىق مۇسىنشىلەر - ايدوس بۇركىتبايەۆ پەن تيمۋر ەرمۇحامەتوۆ. ەسكەرتكىش «اتاتۇرىك سكۆەرىندە» ورناتىلدى.
الماتىداعى كولىك اعىنىنا نە اسەر ەتەدى؟
الماتىدا جەر استى ءدۇمپۋى تىركەلگەن كۇنى Sergek ITS جۇيەسىنىڭ دەرەكتەرى قالادا كولىك قوزعالىسىنىڭ كۇرت وسكەنىن كورسەتتى. قوزعالىس بەلسەندىلىگى ورتا ەسەپپەن 4،5 ەسەگە ارتىپ، تۇنگى ساعات 01:00-دە شارىقتاۋ شەگىنە جەتىپ، تەك تاڭعى ساعات 5-تە عانا قالىپتى جاعدايعا ورالعان. جەر سىلكىنىسىنەن كەيىنگى العاشقى ساعاتتا قالا جولدارىنداعى بىرەگەي كولىكتەردىڭ سانى 40%-عا ارتىپ، كەلەسى ساعاتتا ماكسيمۋم 208 مىڭ بىرلىككە جەتتى. بۇل وتكەن اپتانىڭ ءدال وسى ۋاقىتىمەن سالىستىرعاندا 267%-عا ارتىق. قالادان شىققان كولىكتەر سانى دا 152%-عا وسكەن، ەڭ ۇلكەن ءوسىم 01:00 مەن 02:00 ارالىعىندا 239%-دى قۇرادى. سونىمەن قاتار، الماتىدا 23 قاڭتاردا ءبىرىنشى اۋىسىمىنداعى سىنىپ وقۋشىلارى ءۇشىن ساباقتاردىڭ توقتاتىلۋىنا بايلانىستى تاڭەرتەڭگىلىك كولىك قوزعالىسى تومەندەلگەنى تىركەلگەن. الايدا، ورتاشا جىلدامدىق 25 پايىزعا ارتقان.
الماتىدان قاي ءۇيدى ساتىپ الۋعا بولمايدى؟
قالا قۇرىلىسىن باقىلاۋ باسقارماسىنىڭ مالىمەتىنشە، بۇگىنشە بۇل تىزىمدە 45 تۇرعىن ءۇي كەشەنى بار. تىزىمگە قۇرىلىسى ءالى باستالماعان رۇقسات قۇجاتى جوق نىساندار دا كىردى. باسقارمانىڭ دەرەگىنشە، وسىنداي تۇك بويىنشا ۇسىنىستار ينتەرنەت رەسۋرستاردىڭ مونيتورينگى ناتيجەسىندە انىقتالادى. جىلجىمايتىن مۇلىكتى ساتىپ الماس بۇرىن الماتى قالاسى قالا قۇرىلىسىن باقىلاۋ باسقارماسىنىڭ +7 705 89 66 000 WhatsApp انىقتامالىق جەلىسى بويىنشا تۇك قۇجاتىنىڭ بار-جوعىنا كوز جەتكىزۋگە بولادى.