الماتىدا قار شىعارۋ جۇمىستارىن باقىلاۋ ءۇشىن تاۋلىك بويى كەزەكشىلىك ۇيىمداستىرىلدى، دەپ حابارلايدى Almaty-akshamy.kz الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
الماتىدا 26 قاڭتار كۇنى 04:00-دەن 12:00-گە دەيىن 3 سم قار جاۋدى.
قار جاۋعانعا دەيىن نەگىزگى نەگىزگى ماگيسترالدىق كوشەلەر رەاگەنتتەرمەن وڭدەلىپ، ساعات 05.00-تەن بەرى 640 توننا كوكتايعاققا قارسى ماتەريالدار قولدانىلدى.
تروتۋارلار مەن جالپى پايدالانۋ ورىندارى، قوعامدىق كولىك ايالدامالارى مەن جاياۋ جۇرگىنشىلەر وتكەلدەرىندە قار قولمەن كۇرەلدى.
جول پاترۋلدىك پوليسياسىنىڭ ەرىپ جۇرۋىمەن 10 كولوننا كولىك قاردى كۇرەدى. 458 ارنايى تەحنيكا، اتاپ ايتقاندا 153 قۇم تاراتقىش، 169 تروتۋار تازالاعىش شاعىن تەحنيكا، 45 قار تيەگىش، 69 ءوزى تۇسىرگىش جۇك كولىگى جانە 1224 جۇمىسشى جۇمىلدىرىلدى. 17 قاڭتاردا سوڭعى جاۋعان قاردان كەيىن ساعات 18:00-دەگى جاعداي بويىنشا 90 مىڭ م3 قار شىعارىلدى.
تۇنگى ۋاقىتتا 412 بىرلىك ارنايى تەحنيكا مەن 265 جۇمىسشى جۇمىلدىرۋ جوسپارلانعان. اۋدان اكىمدىكتەرىندە جۇمىستى باقىلاۋ ءۇشىن 24 ساعاتتىق كەزەكشىلىك ۇيىمداستىرىلدى.