ولار قاماۋعا الىندى.
ۇستالعانداردىڭ باسقا دا قىلمىستارعا قاتىسى بار-جوعى تەكسەرىلۋدە، دەپ حابارلايدى aqshamnews.kz Polisia.kz-كە سىلتەمە جاساپ.
الماتى قالاسىنىڭ مەدەۋ اۋداندىق پوليسيا قىزمەتكەرلەرى ءۇش كۇدىكتىنى الماتى وبلىسىنىڭ اۋماعىندا قولعا ءتۇسىردى. ولار جاقىندا وزگەنىڭ موپەدىن ۇرلاپ كەتكەن. پوليسيانىڭ مالىمەتىنشە، قىلمىس تۇنگى ساعات ۇشتە قۇلجا تاس جولىنىڭ بويىندا ورنالاسقان تۇرعىن ءۇي كەشەندەرىنىڭ اۋماعىندا بولدى. ءۇيدىڭ اۋلاسىندا تۇرعان موپەدتى بايقاپ قالعان كۇدىكتىلەر ونى ۇرلاۋدى شەشكەن. كەيىننەن قاسكويلەر ۇرلاعان موپەدتى ساتۋدى جوسپارلاپ، تۇسكەن قاراجاتتى ءوز قاجەتتىلىكتەرىنە جۇمساماق بولعان. قىلمىستىق كودەكستىڭ 201-بابىنا سايكەس، تەرگەۋ مۇددەسىنە بايلانىستى قوسىمشا اقپارات جاريالانبايدى. قازاقستان رەسپۋبليكاسىنىڭ كونستيتۋسياسىنىڭ 77-بابى 3-بولىگى، 1-تارماعى مەن قىلمىستىق كودەكسىنىڭ 19-بابى 1-تارماعىنا سايكەس، كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.