ءدال ءقازىر «اlmaty aqshamy»، «ۆەچەرنيي اlmaty» گازەتتەرىنە جازىلۋ ناۋقانى ءجۇرىپ جاتىر. مەگاپوليسكە قاتىستى بارلىق اقپاراتتار، جاڭالىقتار، قىزىقتى ماقالالار وسى قوس باسىلىمدا جارىق كورەدى.
«Alataý Aqparat» مەدياحولدينگى وتكەن اپتادان بەرى قالا تۇرعىندارى ءۇشىن قالانىڭ باس گازەتتەرىن تەگىن تاراتۋ اكسياسىن ۇيىمداستىرىپ كەلەدى. كەزەكتى شارا تۇركسىب اۋدانىنىڭ حالىققا قىزمەت كورسەتۋ ورتالىعى مەن الماتى مەتروپوليتەنىندە ءوتتى. گازەتتى تاراتۋ بارىسىندا جاسى ەگدە تارتقان ادامداردىڭ باسىلىمدارعا دەگەن قىزىعۋشىلىقتارىنىڭ باسىم ەكەنىن بايقادىق. گازەت وقيتىن جاستار دا جوق ەمەس. دەگەنمەن قازىرگى زاماندا ادامداردىڭ باسىم كوپشىلىگى نەگىزگى اقپاراتتى، جاڭالىقتاردى ەلەكتروندى اقپارات قۇرالدارى ارقىلى الاتىنى شىندىق. گازەت قىزمەتكەرلەرىنىڭ ماقساتى – حالىق اراسىندا «اlmaty aqshamy»، «ۆەچەرنيي اlmaty» گازەتتەرىن ناسيحاتتاۋ، قالالىقتاردىڭ گازەتكە دەگەن قىزىعۋشىلىعىن ارتتىرۋ.
باقىتجامال، زەينەتكەر:
گازەت وقىعاندى جاقسى كورەم
- ءبىز - جاستايىمىزدان گازەت-جۋرنال وقىپ وسكەن ۇرپاقتىڭ وكىلىمىز. قولىمىزعا قانداي دا ءبىر گازەت تۇسە قالسا، وقىعىمىز كەپ تۇرادى. اقپاراتتى تەلەديداردان دا تىڭدايمىز، ءقازىر قولداعى تەلەفوندا دا الەمدەگى بارلىق جاڭالىق قولجەتىمدى عوي. ءبىراق گازەتكە جاريالانعان ماقالاداي بولمايدى. گازەتتە تەك اقپاراتتى جازىپ قانا قويماي، ساراپتاپ، تالداپ بەرەتىنى ۇنايدى. گازەت - تەك جاڭالىقتىڭ جارشىسى ەمەس، ءبۇتىن ءبىر ەلدىڭ ايناسى. حالىققا گازەتتى تەگىن تاراتىپ جاتقان باستامالارىڭىز جاقسى ەكەن. ويتكەنى ءقازىر بۇرىنعىداي گازەت-جۋرنال اسا كوپ ەمەس. سوندىقتان حالىقتىڭ قولى جەتە بەرمەيدى. ەڭبەكتەرىڭىز جانا بەرسىن!
احمەت بايتۇرسىن ۇلى:
«ءبىرىنشى: گازەت – حالىقتىڭ كوزى، قۇلاعى، ءتىلى؛ ەكىنشى: گازەت – جۇرتقا قىزمەت ەتەتىن نارسە؛ ءۇشىنشى: گازەت – حالىققا ءبىلىم تاراتۋشى؛ ءتورتىنشى: گازەت – حالىقتىڭ جوقتاۋشىسى».
نۇرلان، قالا تۇرعىنى:
ساۋاتتى ماقالا وقىعىم كەلەدى
- ءوز باسىم ۇيدە دە، جۇمىس ورنىندا دا گازەت-جۋرنالداردى قالدىرماي وقىپ جۇرەمىن. «الماتى اقشامى» گازەتىنىڭ تۇراقتى وقىرمانىمىن. ساياسي تاقىرىپتارداعى ساراپتامالاردى، سپورت جاڭالىقتارىن ۇزبەي وقيمىن. ءقازىر سايتتاردا، الەۋمەتتىك جەلىلەردە جاڭالىقتار قىسقا دا نۇسقا بەرىلەدى. كوبىنەسە بەينەجاڭالىقتار جاقسى قارالادى. ءبىراق گازەتتىڭ كوتەرگەن جۇگى اۋىر. ويتكەنى گازەتكە جاريالانعان ماقالا تاسقا جازىلعانداي بولىپ قاعاز بەتىنە تۇسەدى. سوندىقتان گازەتتىڭ قۇندىلىعى دا جوعارى. قاعاز بەتىنە تۇسكەن ماتەريالدى جازاتىن تىلشىگە ۇلكەن جاۋاپكەرشىلىك ارتىلادى. جۋرناليستەن جازعان ءار جاڭالىعىنىڭ، ماقالاسىنىڭ ساۋاتتى بولۋى تالاپ ەتىلەدى. بۇگىندە جاستاردىڭ ءتىلى شورقاق، كەز كەلگەن ءسوزدى قىسقارتىپ ايتادى. ال گازەت - وقىرماندى كوركەمدىككە، دۇرىس سويلەۋگە تاربيەلەيتىن قۇرال. سوندىقتان ءوز ماماندىعىنا ادال گازەت قىزمەتكەرلەرىنىڭ ەڭبەگىنە تابىس تىلەيمىن، قالامدارىڭىز مۇقالماسىن!
دانا، ستۋدەنت:
گازەت - مۇراعاتتىڭ كوزى
- مەن ۇنەمى گازەت وقيمىن دەپ ايتا المايمىن. ويتكەنى ءقازىر كەز كەلگەن قاجەت دۇنيەنى ينتەرنەتتەن قولىمىزداعى سمارتفون ارقىلى الا الاتىن زامان عوي. دەگەنمەن ساباعىما، ەمتيحاندارعا دايىندالعان كەزدە ماعان گازەتتەردىڭ كوپ پايداسى ءتيدى. كىتاپحانالاردا وزىمە قاجەتتى ماتەريالداردى ىزدەگەندە، گازەتكە جاريالانعان ماقالالاردان تاۋىپ الدىم. باسىلىمدارعا جاريالانعان ماتەريالداردىڭ كوپ ىزدەنىستىڭ ناتيجەسىندە جارىق كورەتىنىنە كوزىم جەتە ءتۇستى. ءبىر كەزدەردە حالىقتىڭ گازەتكە دەگەن سۇرانىسى جوعارى بولدى عوي. قازىرگى تاڭدا گازەت-جۋرنالدارعا دەگەن قىزىعۋشىلىق باسەڭدەگەنىمەن، ءار كەزەڭدە دە ءار باسىلىمنىڭ ءوز وقىرمانى بولادى. سىزدەر ۇيىمداستىرىپ وتىرعان گازەتتى تەگىن تاراتۋ اكسياسىنان كەيىن «اlmaty aqshamy»، «ۆەچەرنيي اlmaty» گازەتتەرىن ءجيى وقىپ تۇراتىن بولدىم، كوپ راحمەت! گازەتتە كوڭىلگە تۇيە جۇرەتىن دۇنيەلەر بار ەكەن.
ينديرا انديروۆا، «الماتى مەتروپوليتەنىنىڭ» باسپا ءسوز حاتشىسى:
حالىققا قاجەت باستاما
- ءبىزدىڭ مەتروپوليتەننىڭ قىزمەتكەرلەرىنىڭ اراسىندا ءقازىر «اlmaty aqshamy»، «ۆەچەرنيي اlmaty» گازەتتەرى جاقسى سۇرانىسقا يە. ويتكەنى، بۇلار اكىمدىككە قاتىستى باسىلىمدار بولعاندىقتان، اكىمدىكتىڭ اتقارىپ جاتقان جۇمىستارىمەن تانىسۋعا، قالاداعى بارلىق جاڭالىقتان حاباردار بولۋعا ىنتالىمىز. ءوز باسىم كەيدە الەۋمەتتىك جەلىدەن، عالامتوردان شارشاعان كەزدە گازەت وقىعاندى جاقسى كورەمىن. مەگاپوليستەگى كىشىگىرىم وزگەرىستەردىڭ ءوزى وسى گازەتتەردە جارىق كورىپ جاتادى. قالانىڭ بولاشاعىنا قاتىستى اۋقىمدى ماقالالاردى دا ۇنەمى گازەتتەردەن وقىپ، ءبىلىپ وتىرامىز.
مەنىڭشە، ءقازىر كوپشىلىك ادام ينتەرنەتكە ۇڭىلگەن سيفرلاندىرۋ زامانىندا گازەت-جۋرنالداردىڭ دا، كىتاپتاردىڭ دا الار ءوز ورنى بار. ويتكەنى، قاعازعا تۇسكەن اقپاراتتى مي وزگەشە قابىلدايدى. سوندىقتان وسىنداي اكسيالاردى ۇيىمداستىرىپ، حالىققا گازەت وقۋدى ەستەرىنە سالىپ تۇرۋ دۇرىس باستاما دەپ ويلايمىن. ءقازىر ءبىزدىڭ «الماتى مەترو پوليتەنى» دە بەكەتتەردە جولاۋشىلار ءۇشىن «bookcrossing»، ياعني كىتاپ الماسۋ شاراسىن قايتا قولعا الماقشىمىز. ويتكەنى، ادام قاعازعا باسىلاتىن باسىلىمداردان قول ءۇزىپ قالماۋى كەرەك. بۇل ادام ميىنىڭ دۇرىس جۇمىس ىستەۋىنە، ينتەللەكتۋالدىق قابىلەتىنە اسەر ەتەدى. بۇگىندە، وكىنىشكە وراي، مەترودا كىتاپ ۇستاعان جولاۋشىلاردى سيرەك كورەمىز. ءبىراق ۋاقىت وتە كەلە، حالىقتىڭ كىتاپقا قايتا دەن قوياتىنىنا سەنەمىن.