بۇل تۋرالى نىساننىڭ باسقارۋشى ديرەكتورى جانە «Bazis Construction» ج ش س مەردىگەر كومپانياسىنىڭ وكىلى فاريز تۋتادزە ايتتى، دەپ حابارلايدى اlmaty-akshamy.kz.
الماتىدا بۋحتارمينسكايا كوشەسى مەن قۇلجا تراكتىسى قيىلىسىنداعى جولايرىعى بويىندا 4 جولاقتى قوزعالىسى بار بۋحتارمينسكايا كوشەسىنىڭ توننەلدىك بولىگى اشىلدى.
جوبا الماتى اكىمدىگىنىڭ تاپسىرىسى بويىنشا ىسكە اسىرىلدى، بۇل بۋحتارمينسكايا كوشەسى بويىمەن اۆتوكولىكتىڭ وتكىزۋ قابىلەتىن 15% - عا، قۇلجا تراكتىسى بويىنشا 20% - عا ارتتىرۋعا مۇمكىندىك بەرەدى. بۋحتارمينسكايا كوشەسى ۋچاسكەسىنىڭ جالپى قۇرىلىس ۇزىندىعى 830 م، ونىڭ ىشىندە توننەل بولىگىنىڭ ۇزىندىعى-149 م.
«قاربالاس كۇندەرى قۇرىلىسقا 200-دەن استام ادام جانە ءتۇرلى تيپتەگى 50-دەن استام تەحنيكا جۇمىلدىرىلدى، ولار: اسفالت توسەۋشىلەر، تراكتورلار، ەكسكاۆاتورلار. مۇنىڭ ءبارى ءبىزدىڭ قالالىقتارعا ىڭعايلى بولۋ ءۇشىن جاسالادى. قازان ايىنىڭ سوڭىنا دەيىن ۆەلوسيپەد جولدارى بار جاياۋ جۇرگىنشىلەر ايماقتارى اباتتاندىرىلادى. سونداي – اق، 360 مىڭ شارشى مەتردەن استام اۋماقتى كوگالداندىرۋ جانە ءتۇرلى تۇقىمدى 750 اعاش وتىرعىزۋ جوسپارلانعان»، - دەپ تولىقتىردى فاريز تۋتادزە.
كولىك تورابىنىڭ قۇرىلىسى ماگيسترالدىڭ جۇكتەمەسىن ازايتۋ جانە فۋنكسيونالدىعىن قامتاماسىز ەتۋ قاجەتتىلىگىنە بايلانىستى بولدى: اينالما بۋحتارمينسكايا كوشەسى مەن قۇلجا تراكتىسىنىڭ قيىلىسىنداعى اۆتوموبيلدەر اعىنىنىڭ ارتۋىنا توتەپ بەرە المادى. جوبا اياسىندا نەگىزگى ۋچاسكەدە ءۇش دەڭگەيلى جولايرىعى پايدا بولدى، ونىڭ ىشىندە تىرەك قابىرعالارى بار توننەلدەر مەن ەستاكادالار، اينالمالى قوزعالىستىڭ نولدىك دەڭگەيدەگى جولدارى جانە بارلىق باعىتتارداعى وڭ جاق وتكەلدەر بار.