نۇرقانات ءاجىقانوۆ – ازيا ويىندارىنىڭ جەڭىمپازى
نۇرقانات ءاجىقانوۆ قىتايدىڭ حانچجوۋ قالاسىندا ءوتىپ جاتقان ءحىح جازعى ازيا ويىندارىندا WKF كاراتەدەن قازاقستانعا التىن مەدال سىيلادى، دەپ حابارلايدى almaty-akshamy.kz ق ر تۋريزم جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتىنە سىلتەمە جاساپ.
ول فينالدا بيىلعى سارى قۇرلىق چەمپيونى، يوردانيا سپورتشىسى حاسان ماسارۆەحتى ايقىن باسىمدىقپەن جەڭىپ، قازاقستان ەنشىسىنە وسى ويىندارداعى 8-التىن جۇلدەنى سالدى. ەسەپ: 8-0.
باعانا قازاق كاراتەشىسى جارتىلاي فينالدا مالايزيا وكىلى راگونازان شارمەندرادان، شيرەك فينالدا قىرعىز سپورتشىسى نازىم نۇرلانوۆتان، العاشقى اينالىمدا مۇحاممەد شەكحۋ الامنان (نەپال) ايلاسىن اسىرعان.
نۇرقانات 2021 جىلى توكيو وليمپياداسىندا ەل نامىسىن قورعاعان، الەم چەمپيوناتىندا 2 مارتە قولا جۇلدە جەڭىپ العان، 3 دۇركىن ازيا چەمپيونى.