رەسپۋبليكا اۋماعىن پانالاعان بارلىق شەتەلدىكتەر قازاقستاننىڭ بوسقىندارعا قاتىستى حالىقارالىق قوعامداستىق الدىنداعى مىندەتتەمەلەرىنە سايكەس مەملەكەت تاراپىنان قورعاۋمەن جانە قولداۋمەن قامتاماسىز ەتىلگەن، دەپ حابارلايدى Almaty-akshamy.kz.
ەڭبەك جانە حالىقتى ىلەۋمەتتىك قورعاۋ مينيسترلىگىنىڭ مالىمەتىنشە، 1998 جىلعى 15 جەلتوقساندا قازاقستان بۇۇ-نىڭ 1951 جىلعى «بوسقىندار مارتەبەسى تۋرالى» كونۆەنسياسىنا (بۇدان ءارى – كونۆەنسيا) رەسمي تۇردە قوسىلىپ، وزىنە بەلگىلى ءبىر مىندەتتەمەلەر الدى.
قازىرگى ۋاقىتتا رەسپۋبليكادا اۋعانستان، ۋكراينا، وزبەكستان، سيريا جانە قحر-دان كەلگەن 325 بوسقىن تۇرادى. ولار ەلدەن شىعارىلماۋ بويىنشا قورعالعان.
بوسقىندارمەن جۇمىس جونىندەگى حالىقارالىق مىندەتتەمەلەردى ورىنداۋ اياسىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جانىندا ۇلتتىق زاڭناما نورمالارىن كونۆەنسيا ەرەجەلەرىمەن يمپلەمەنتاسيالاۋ جونىندەگى جۇمىس توبى جۇمىس ىستەيدى. ونىڭ قۇرامىنا مەملەكەتتىك ورگانداردىڭ، قوعامدىق ۇيىمداردىڭ وكىلدەرى جانە حالىقارالىق قوعامداستىقتىڭ، ونىڭ ىشىندە بۇۇ-نىڭ بوسقىندار جونىندەگى جوعارعى كوميسسارى باسقارماسىنىڭ ساراپشىلارى كىرەدى.
جۇمىس توبى بوسقىندارعا قازاقستان رەسپۋبليكاسىنىڭ اۋماعىندا تۇراقتى تۇراتىن شەتەلدىكتەرمەن تەڭ دارەجەدە مەديسينالىق كومەككە، ءبىلىم الۋعا جانە الەۋمەتتىك كومەككە قولجەتىمدىلىك بەرۋ جونىندە ۇسىنىستار ازىرلەدى. بۇل ۇسىنىستار مۇددەلى مەملەكەتتىك ورگانداردىڭ قاراۋىندا.