ۇكىمەتتىڭ كەڭەيتىلگەن وتىرىسىنا قاتىسقان قالا اكىمى ە.دوسايەۆ وسىلاي دەدى.
مەملەكەت باسشىسىنىڭ توراعالىعىمەن ۇكىمەتتىڭ كەڭەيتىلگەن وتىرىسى وتۋدە، دەپ حابارلايدى Almaty-akshamy.kz.
«ءسىزدىڭ بيىل قاڭتار ايىنىڭ سوڭىندا بەرگەن باستى تاپسىرماڭىزعا سايكەس، بۇگىندە قاڭتار وقيعالارى كەزىندە بۇلىنگەن ينفراقۇرىلىم تولىعىمەن قالپىنا كەلتىرىلدى، قالا ەكونوميكاسى تۇراقتى ءوسۋ تراەكتورياسىنا شىقتى، قوعامدىق قاۋىپسىزدىكتىڭ دەڭگەيى ءبىرشاما ارتتى»، - دەدى ە.دوسايەۆ.
زارداپ شەككەن 1 640 كاسىپورىنعا 16،2 ملرد. تەڭگە سوماسىنداعى زالال وتەلدى، ونىڭ 95%-ى وسى جىلدىڭ 1 ماۋسىمىنا دەيىن تولەمدەرىن الدى. بارلىق جەكە تۇلعالارعا 613،5 ملن. تەڭگە سوماسىندا مۇلىكتىك زالال تولەندى (159 ءوتىنىم، ونىڭ ىشىندە 151 جەكە تۇلعانىڭ اۆتوكولىكتەرى، 6 پاتەر، 2 مۇلىك يەلەرىنىڭ بىرلەستىگى (وسي))
«ءسىزدىڭ تاپسىرماڭىزعا سايكەس، الماتى تۇرعىندارىنىڭ قاۋىپسىزدىگىن قامتاماسىز ەتۋ ءۇشىن، وسى جىلدىڭ سوڭىنا دەيىن ادامدار كوپ جينالاتىن ورىندارعا 3 050 بەينەكامەرا ورناتىلادى. جالپى، قالا تۇرعىندارىنىڭ قاۋىپسىزدىگىن قامتاماسىز ەتۋگە بيىل قوسىمشا 16،8 ملرد. تەڭگە ءبولىندى»، - دەدى الماتى اكىمى ە.دوسايەۆ.
قالا اكىمدىگىنىڭ عيماراتىن قالپىنا كەلتىرۋ جۇمىستارى جالعاسۋدا، ونىڭ اياقتالۋ مەرزىمى – 2023 جىلدىڭ ءىى توقسانى. Qazaqstan تەلەارناسىنىڭ بۇزىلعان عيماراتىنىڭ ورنىندا زاماناۋي مەديا ورتالىقتىڭ قۇرىلىسى باستالدى، ونى 2023 جىلدىڭ سوڭىنا دەيىن اياقتاۋ جوسپارلانعان.