بۇل تۋرالى الماتى قالاسىنىڭ اكىمى ە.دوسايەۆ مەملەكەت باسشىسىنىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا ايتتى، دەپ حابارلايدى اlmaty-akshamy.kz.
قالا اكىمدىگىنىڭ جۇمىسىندا حالىق تابىسىن ودان ءارى ارتتىرۋ - باستى نازاردا. دەگەنمەن، باعانىڭ جوعارى ءوسۋ قارقىنىنىڭ ساقتالۋى نەگىزگى ماسەلە بولىپ وتىر. 11 ايدا ينفلياسيا 18،9%ء-تى قۇرادى (جىلدىق ينفلياسيا - 19،5%). جىل باسىنان باستاپ قانت (89%)، كەڭسە تاۋارلارى (82،6%)، تۇرعىن ءۇيدى جالعا الۋ (75،7%) باعالارى قاتتى ءوستى.
ءقازىر تۇرعىن ءۇيدى جالداۋ قۇنى مەن قانت باعاسى تۇراقتاندى. كەلەسى جىلى قانتتى ورتالىقتان ساتىپ الۋعا جەرگىلىكتى بيۋدجەتتەن 2،6 ملرد. تەڭگە باعىتتالدى.
"16 قاراشادان باستاپ جىل سوڭىنا دەيىن "ماگنۋم" جانە Small ساۋدا جەلىلەرىندە ساتىلاتىن بارلىق ازىق-تۇلىك جانە ازىق-تۇلىك ەمەس تاۋارلاردىڭ باعاسىن كوتەرۋگە موراتوريي ەنگىزىلدى (ولاردىڭ ۇيىمداسقان ساۋداداعى ۇلەسى – 70%). تۇراقسىز سىرتقى فاكتورلار مەن ازىق-تۇلىك باعاسىنىڭ وسۋىنە بايلانىستى الەمدە جوعارى ينفلياسيا كۇتىلۋدە. ءبىزدىڭ باعالاۋىمىز بويىنشا، كەلەسى جىلى الماتىدا ينفلياسيا 10-12% شاماسىندا بولادى" - دەدى شاھار باسشىسى