الماتىدا جاسىل جەلەكتەرگە قاتىستى جاڭا ەرەجە قابىلدانادى

بۇل تۋرالى الماتى قالاسىنىڭ اكىمى ە.دوسايەۆ ۇكىمەتتىڭ كەڭەيتىلگەن وتىرىسىندا ايتتى، دەپ حابارلايدى اlmaty-akshamy.kz.

الماتىعا «باقشا (ساياباق) قالا» مارتەبەسىن قايتارۋ تۋرالى تاپسىرماڭىزدى ورىنداۋ اياسىندا سوڭعى 11 ايدا مىڭ اعاش وتىرعىزىلىپ، 5 جاڭا پارك ايماعى جاسالدى. 2023 جىلعا 320 مىڭ اعاش وتىرعىزۋ، 8 پاركتى رەكونسترۋكسيالاۋ جانە سالۋ، 13 قوعامدىق كەڭىستىكتى جوبالاۋ كوزدەلگەن..

وسى رەتتە الماتىدا جاسىل ايماقتاردىڭ 30%-ى سۋارۋ جۇيەسىمەن قامتىلعان، بۇل جاڭا ەگىلگەن كوشەتتەردىڭ تامىر الىپ وسۋىنە ىقپال ەتەدى. ول ءۇشىن كەلەسى جىلدان باستاپ سۋارۋ جەلىلەرى جۇرگىزىلگەننەن كەيىن اعاش وتىرعىزاتىن جاڭا ءتاسىل قولدانىلادى. سونداي-اق، 2023 جىلدىڭ ءى توقسانىندا العاش رەت جاسىل جەلەكتەردى وتىرعىزۋ جانە كۇتۋ ەرەجەلەرى قابىلدانادى.

"الماتىلىقتاردى الاڭداتاتىن ماسەلە – اۋانىڭ ساپاسى. ەكولوگيالىق مونيتورينگ جۇرگىزۋ جانە اۋانى لاستاۋشى كوزدەردى انىقتاۋ ءۇشىن 2023 جىلى قوسىمشا 500 قۇرىلعى (1 ملرد. تەڭگە) ورناتىلادى. بيىل 25 قاراشادا 2ء-شى جىلۋ ەلەكتر ورتالىعىن جاڭارتۋ ءۇشىن ەۋروپا قايتا قۇرۋ جانە دامۋ بانكىمەن كرەديتتىك كەلىسىمگە قول قويىلدى. وسى جىلۋ ەلەكتر ورتالىعىن گازعا اۋىستىرۋ اۋاعا شىعاتىن زياندى زاتتاردى بارىنشا ازايتادى دەپ ۇمىتتەنەمىز"، - دەدى قالا اكىمى