تامىز ايىنداعى تەستىلەۋ 15 تامىزعا دەيىن جالعاسادى.
وعان قاتىسۋ ءۇشىن 17 مىڭنان استام ءوتىنىش قابىلداندى، دەپ حابارلايدى Almaty-akshamy.kz.
عىلىم جانە جوعارى ءبىلىم مينيسترلىگىنىڭ اقپاراتىنا ساي، ۇبت-عا قاتىسۋشىلاردىڭ 66 پايىزعا جۋىعى قازاق تىلىندە، 34 پايىزى ورىس تىلىندە، 53 ادام اعىلشىن تىلىندە تەست تاپسىرۋعا نيەت ءبىلدىردى. ءبىرىنشى كۇنى 4499 ادام ەمتيحان تاپسىرادى.
تامىزداعى ۇبت بەلگىلەنگەن شەكتى بالل جيناي الماعان، بەيىندى پاندەر كومبيناسياسى سايكەس كەلمەيتىن ناتيجەلەرى بار، ۇبت ناتيجەلەرى جويىلعان تالاپكەرلەردىڭ تەستىلەۋدەن قايتا ءوتىپ، جوو-عا اقىلى نەگىزدە ءتۇسۋ مۇمكىندىگى بولۋى ءۇشىن وتكىزىلەدى. تىركەلۋ كەزىندە تەستىلەنۋشىلەر ەمتيحان وتكىزىلەتىن ورىندى، كۇندى جانە ۋاقىتتى وزدەرى تاڭدادى.
تالاپكەرلەر تەستىلەۋ اياقتالعاننان كەيىن 30 مينۋت ىشىندە اپەللياسياعا ءوتىنىش بەرە الادى. سەرتيفيكات اپەللياسيا تۋرالى شەشىم قابىلدانعاننان كەيىن تەستىلەنۋشىنىڭ جەكە كابينەتىندە قولجەتىمدى بولادى.