ەلىمىزدە اباي قۇنانباي ۇلىنىڭ اتىمەن اتالاتىن بىرنەشە نىسان بار.
جەرگىلىكتى اكىمدىكتەردىڭ اقپاراتىنا سايكەس، وڭىرلەردە اباي ەسىمىمەن اتالاتىن 1 441 كوشە، 12 داڭعىل، 99 مەكتەپ، 4 كوللەدج جانە 1 تەاتر بار.
بىلتىر پرەزيدەنت جارلىعىمەن اباي وبلىسى قۇرىلىپ، اكىمشىلىك ورتالىعى بولىپ سەمەي قالاسى بەلگىلەندى. ودان بولەك قازاقستاندا 1 قالا، 3 اۋدان جانە 28 ەلدى مەكەنگە ۇلى اقىننىڭ ەسىمى بەرىلگەن، دەپ حابارلايدى Almaty-akshamy.kz.
«قازاقستاندا اباي قۇنانبايۇلىنا 30-دان استام ەسكەرتكىش ورناتىلعان. سونداي-اق الەمنىڭ 18 مەملەكەتىندە ۇلى تۇلعاعا ارنالعان مونۋمەنتالدى ونەر كەشەنى بار. اتاپ ايتقاندا، تاشكەنت، ماسكەۋ، بىشكەك قالالارىندا ابايدىڭ ەسكەرتكىشى بولسا، رەنن، بەيجىڭ، كاير، بۋداپەشت، تەگەران، ستامبۇل، نيۋ-دەلي، جەنيەۆا، پاريج، سارايەۆو، تبيليسي، بەرلين، سەۋل، حاركوۆ جانە باكۋ قالالارىندا ءبيۋستى قويىلعان»، - دەدى مادەنيەت جانە سپورت ۆيسە-مينيسترى ارمان جۇدەبايەۆ.