16 ماۋسىمنان 17-نە قاراعان ءتۇنى فۋتبولدان 2024 جىلعى ەۋروپا چەمپيوناتىنا ىرىكتەۋ ساتىسىنداعى سان-مارينو جانە قازاقستان قۇرامالارى كەزدەسەدى، دەپ حابارلايدى Almaty-akshamy.kz.
كەزدەسۋ ەلوردا ۋاقىتىمەن 00:35-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
ويىن يتاليانىڭ پارما قالاسىنداعى 27906 جانكۇيەرگە ارنالعان «ەننيو تارديني» ستاديونىندا وتكىزىلەدى.
قۇرامالار H توبىندا ويىن كورسەتەدى. قارسىلاستارى – سلوۆەنيا، دانيا، سولتۇستىك يرلانديا، فينليانديا.
قازاقپارات مالىمەتى بويىنشا بۇل كەزدەسۋدە گرەكيالىق اناستاسيوس پاپاپەترۋس باس تورەشى قىزمەتىن اتقارادى. وعان وتانداستارى تريفون پەتروپۋلوس پەن يوردانيس اپتوسوگلۋ كومەك جاسايدى.
قازىرگە دەيىن قۇرامالار ەكى ويىننان وتكىزدى. قازاقستاندىق فۋتبولشىلار ءوز الاڭىندا سلوۆەنيادان 1:2 ەسەبىمەن جەڭىلىپ، دانيانى 3:2 ەسەبىمەن تىزە بۇكتىرگەن ەدى.
ال سان-مارينو قۇراماسى سولتۇستىك يرلانديا مەن سلوۆەنيادان 0:2 ەسەبىمەن جەڭىلىپ قالدى.
سان-مارينو - الەمدەگى ءالسىز قۇرامالاردىڭ ءبىرى. FIFA رەيتينگىندە ەڭ سوڭعى 201 ورىندا تۇر.
ەكى قۇراما بۇعان دەيىن 2020 جىلعى ەۋروپا چەمپيوناتى ىرىكتەۋ ساتىسىندا I توبىندا سىنعا ءتۇستى. استانادا وتكەن العاشقى كەزدەسۋدە قازاقستاندىق فۋتبولشىلار 4:0 ەسەبىمەن جەڭىسكە جەتسە، سىرت الاڭدا 3:1 ەسەبىمەن باسىم ءتۇستى.
سونداي-اق، بۇگىن اتالعان توپتا دانيا مەن سولتۇستىك يرلانديا، فينليانديا مەن سلوۆەنيا شەبەرلىك بايقاسادى.
ال ۆ توبىندا گيبرالتار مەن فرانسيا، گرەكيا مەن يرلانديا جاسىل الاڭعا شىعادى.
س توبىندا مالتا مەن انگليا، سولتۇستىك ماكەدونيا مەن ۋكراينا، D توبىندا ۋەلس پەن ارمەنيا، لاتۆيا مەن تۇركيا وينايدى.
I توبىندا اندوررا مەن شۆەيساريا، بەلارۋس پەن يزرايل، كوسوۆو مەن رۋمىنيا شەبەرلىك بايقاسادى.