بۇگىن - ساياباقتا سەرۋەندەۋ كۇنى

30 ناۋرىز قانداي كۇن؟

ەرەكشە ءارى بەيرەسمي مەرەكە بولعانمەن، بۇل كۇن بۇگىنگىدەي تاڭنىڭ اتىسىنان كەش باتقانشا جۇمىستان باس الا الماي، قايناپ جاتقان تىرشىلىكتە دەمالۋعا قولى قالت ەتە بەرمەيتىندەر ءۇشىن وتە ماڭىزدى. ساياباقتا سەرۋەندەۋ كۇنى (Take a Walk in the Park Day) جىل سايىن 30 ناۋرىز كۇنى اتاپ وتىلەدى، دەپ حابارلايدى Almaty-akshamy.kz ءتىلشىسى.

بۇل كۇننىڭ باستى ماقساتى –قاراپايىم ءارى ۇيرەنشىكتى بولىپ كەتكەندەي بولىپ كورىنەتىن دەمالىس تۇرىنە بارلىق قالا تۇرعىندارىنىڭ نازارىن اۋدارتۋ.

جاسىراتىنى جوق، مەگاپوليستەردىڭ جانە قاراپايىم قالالاردىڭ كوپتەگەن تۇرعىندارى تازا اۋادا دەمالۋ جانە كۇش پەن قۋات الۋ ءۇشىن تابيعاتقا نەمەسە قالاعا ۇنەمى بارۋعا مۇمكىندىگى جوق. قازىرگى الەمدە ءومىر سۇرەتىن ادامدار ءۇشىن وبەكتيۆتى شىندىعى - ول ءومىردىڭ وتە جوعارى قارقىنمەن دامۋىندا جانە ءوتىپ جاتقاندىعىندا، بۇل جۇيكە جۇيەسىنە  جانە جالپى دەنساۋلىق جاعدايىنا اسەر ەتپەي قويمايدى.

ستاتيستيكا كورسەتكەندەي، جۇيەلى تۇردە قايتالاناتىن كۇيزەلىس پەن دەپرەسسيا قالالىق تۇرعىننىڭ جۇيكە جۇيەسىنىڭ تۇراقتى سيپاتتاماسىنا اينالدى. ءبىراق كۇنىنە 30 مينۋت سەرۋەندەۋ، دارىگەرلەردىڭ پىكىرىنشە، دەنساۋلىققا ۇلكەن پايدا اكەلۋى مۇمكىن – تەك كالوريالاردى ازايتۋ جانە سالماق جوعالتۋ تۇرعىسىنان عانا ەمەس، سونىمەن قاتار يممۋنيتەتتى كوتەرۋ، سەمىزدىك، 2 ءتيپتى قانت ديابەتى جانە كەيبىر قاتەرلى ىسىك تۇرلەرىنىڭ ءقاۋپىن ازايتۋ. سونداي-اق، بۇل جۇرەك بەلسەندىلىگىن ارتتىرۋعا جانە قان قىسىمىن تومەندەتۋگە كومەكتەسەدى.

بريتاندىق دارىگەرلەردىڭ پىكىرىنشە، تابيعات اياسىندا ۋاقىت وتكىزۋ (سونىڭ ىشىندە، ساياباقتا) ادام اعزاسىن قالپىنا كەلتىرۋگە سەپتىگىن تيگىزەدى. بۇل اسەردى شوپينگكە نەمەسە كينوعا بارۋمەن سالىستىرۋعا كەلمەيدى.

شۋلى ماگيسترالدار مەن قالانىڭ شاڭ-توزاڭىنان ارىرەك ورنالاسقان ساياباقتاردا سەرۋەندەۋ كوڭىل-كۇيدى جاقسارتىپ، كۇيزەلىستى تۇسىرەدى. زەرتتەۋلەر بويىنشا، جاياۋ جۇرەتىن نەمەسە جاسىل جەلەك ايماقتارىندا سەرۋەندەيتىن ادامدار بۇلاي جاسامايتىن ادامدارعا قاراعاندا وزدەرىن الدەقايدا باقىتتى سەزىنەدى ەكەن.

سول سەبەپتى، دەنساۋلىق پەن سەرگەك كوڭىل-كۇيدى قولدايتىندار قاتارىنان بولساڭىزدار، ساياباقتا سەرۋەندەۋگە شىعىڭىزدار! سەرۋەنگە شىقپاس بۇرىن وعان دايىندىق رەتىندە اۋا رايى بولجامىنا قاراۋدى ۇمىتپاڭىزدار!