بۇگىن «قاسىرەتتى قاڭتار. مارودەرلەر» دەرەكتى ءفيلمى كورسەتىلەدى

جوبا - قازاقستانداعى قاڭتار وقيعاسى تۋرالى فيلمدەر سيكلىنىڭ جالعاسى.

«قاسىرەتتى قاڭتار. مارودەرلەر» دەرەكتى ءفيلمىنىڭ كورسەتىلىمىن بۇگىن، 23 اقپان كۇنى، ساعات 20:30-دا «حابار» تەلەارناسىنان كورۋگە بولادى، دەپ حابارلايدى Almaty-akshamy.kz

بۇعان دەيىن «حابار» اگەنتتىگى «قاسىرەتتى قاڭتار. وقيعا قالاي ءوربىدى؟» ءفيلمىن كورسەتكەن بولاتىن.

جاڭا جىلدان كەيىن ەلىمىزدە ورىن العان جاعدايدى سۋرەتتەيتىن تۋىندىنىڭ سيۋجەتتىك جەلىسى قاڭتار وقيعالارىنىڭ تولىق حرونولوگياسىنا نەگىزدەلدى. «قاسىرەتتى قاڭتار. مارودەرلەر» اتتى ەكىنشى فيلمدە كورەرمەن نازارىنا جاپپاي تارتىپسىزدىكتەرگە قاتىسقان ازاماتتاردىڭ ەكسكليۋزيۆتى سۇحباتتارى ۇسىنىلادى. فيلم مارودەرلار تۋرالى جاڭا فاكتىلەردى اشىپ، ولاردىڭ وزىندىك پىكىرلەرىن اشىپ كورسەتەدى.

«ءقازىر قوعامعا ەلىمىزدە تۋىنداعان قيىندىقتار كەزىندە ءوز پايداسىن ويلاعان مارودەرلاردىڭ ىس-ارەكەتى - كۇردەلى ماسەلە ەكەنىن ءتۇسىندىرۋ وتە ماڭىزدى. ءفيلمنىڭ ماقساتى مارودەرلاردىڭ ارەكەتتەرىن اشىق كورسەتىپ، ولاردىڭ كوزقاراستارىن، قىلمىس جاساۋعا نەنىڭ يتەرمەلەگەنىن ءبىلۋ بولدى. ادامدارعا جازانىڭ قولدانىلماي قالمايتىنىن ءتۇسىندىرۋ قاجەت»، - دەدى جوبا اۆتورى ايگۇل ءادىلوۆا.