10 اقپانعا دەيىن جالعاسادى.
167 مىڭعا جۋىق ادام ۇبت-عا قاتىسۋعا ءوتىنىش بەردى، دەپ حابارلايدى aqshamnews.kz
ولاردىڭ 76،7%-ى قازاق تىلىندە، 23،2%-ى ورىس تىلىندە، 142 ادام اعىلشىن تىلىندە تەستىلەۋدەن وتۋگە ءوتىنىش ءبىلدىردى.
"تالاپكەرلەر ءوتىنىش بەرۋ بارىسىندا تەستىلەۋ كۇنىن، ۋاقىتىن جانە پۋنكتىن وزدەرى تاڭدادى. تەستىلەۋدىڭ ءبىرىنشى كۇنى ەلىمىز بويىنشا 2277 ادام، ونىڭ ىشىندە ەلوردادا 155 تالاپكەر ۇبت تاپسىرادى. ەڭ كوپ تاڭدالاتىن بەيىندىك پاندەر كومبيناسياسى بىرنەشە جىل قاتارىنان وزگەرىسسىز قالىپ وتىر"، - دەدى ساياسات نۇربەك.
ونىڭ ايتۋىنشا تالاپكەرلەردىڭ 17،5%-ى "ماتەماتيكا-فيزيكا" كومبيناسياسىن تاڭداعان. ياعني، بۇل بولاشاق ينجەنەرلەر، مەحانيكتەر، مۇعالىمدەر، تەحنيكتەر مەن تەحنولوگتار، ەنەرگەتيكتەر، قۇرىلىسشىلار. ال 17،3%-ى "بيولوگيا-حيميا"، 10،3%-ى "ماتەماتيكا-ينفورماتيكا" پاندەرىن تاڭدادى، ولار – بولاشاق مەديسينا قىزمەتكەرلەرى مەن IT ماماندارى.
ۇبت-داعى پاندەردىڭ سانى وزگەرىسسىز قالادى، ياعني ۇشەۋى مىندەتتى جانە ەكەۋى تاڭداۋ بويىنشا پاندەر. ۇبت تاپسىرمالار سانى – 120. ونىڭ ىشىندە "قازاقستان تاريحىنان" 20 تاپسىرما، "وقۋ ساۋاتتىلىعىنان" 10 تاپسىرما، "ماتەماتيكالىق ساۋاتتىلىقتان" 10 تاپسىرما جانە ەكى بەيىندىك ءپان بويىنشا 40 تاپسىرمادان. جوعارى بالل – 140.
تەستىلەۋ ۋاقىتى – 4 ساعات (240 مينۋت). ەرەكشە ءبىلىم بەرۋ قاجەتتىلىكتەرى بار بالالار ءۇشىن ۇسىنىلاتىن قوسىمشا 40 مينۋت ۋاقىت ساقتالادى.
قاڭتارداعى ۇبت-عا اقىلى نەگىزدە كۇندىزگى وقۋ نىسانى بويىنشا جوعارى وقۋ ورىندارىنا قابىلدانعان، جازعى ۇبت ناتيجەلەرى بويىنشا شەكتى بالل جيناماعاندار، شىعارماشىلىق ۇبت-دان باسقا دايىندىق باعىتتارىنا، پەداگوگيكالىق باعىتقا اقىلى نەگىزدە اۋىسقىسى كەلەتىندەر، سونداي-اق مەكتەپ بىتىرەتىن تۇلەكتەر جوعارى وقۋ ورىندارىنا اقىلى نەگىزدە ءتۇسۋ ءۇشىن قاتىسادى.