بوستاندىق اۋدانىنىڭ قورعانىس ىستەرى جونىندەگى باسقارماسى مەن ارداگەرلەر كەڭەسىنىڭ وكىلدەرى ۇلى وتان سوعىسىنىڭ ارداگەرى اناتوليي نازاروۆيچ پوپوۆتى 99 جاسقا تولعان تۋعان كۇنىمەن قۇتتىقتادى.
اناتوليي پوپوۆ 1926 جىلى 13 قاڭتاردا الماتى وبلىسى قاسكەلەڭ قالاسىندا دۇنيەگە كەلگەن. اسكەري بايلانىسشى ماماندىعىن العان سوڭ 1943 جىلى بالتىق مايدانىنا جىبەرىلەدى.
اناتوليي نازاروۆيچ «ريگانى ازات ەتكەنى ءۇشىن»، «گەرمانيانى جەڭگەنى ءۇشىن» مەدالدارىمەن جانە باسقا دا مەرەيتويلىق ناگرادالارمەن ماراپاتتالعان.
جەڭىستەن سوڭ اناتوليي نازاروۆيچ اسكەر قاتارىندا قالىپ، قىزمەتىن جالعاستىردى. 1952 جىلى ساراتوۆ اسكەري مەديسينالىق ۋچيليششەسىنە وقۋعا تۇسەدى. سودان كەيىن گەرمانيادا قىزمەت ەتتى.
1955 جىلى وتانىنا ورالىپ، 30 جىلدان استام قالالىق سانيتارلىق-ەپيدەميولوگيالىق ستانسيادا جۇمىس ىستەدى. جۇبايى تامارا ەكەۋى ءۇش قىز تاربيەلەپ ءوسىردى. ارداگەر ولاردان ءتورت نەمەرە، التى شوبەرە ءسۇيىپ وتىر.
اسكەري قىزمەتشىلەر مايدانگەرگە جەرگىلىكتى اسكەري باسقارۋ ورگاندارى قولباسشىلىعىنىڭ قۇتتىقتاۋى مەن سىيلىقتارىن تابىس ەتتى. ولار اناتوليي نازاروۆيچكە جەڭىسكە قوسقان ۇلەسى ءۇشىن زور العىس ءبىلدىرىپ، زور دەنساۋلىق جانە ۇزاق عۇمىر تىلەدى.