16 قازاندا قازاقستان حالقى نان كۇنىن اتاپ وتەدى. بۇل كۇن استىق ونىمدەرىنىڭ مارتەبەسىن نىعايتۋ ماقساتىندا 2019 جىلى ۇكىمەتتىڭ قاۋلىسىمەن بەكىتىلگەن، دەپ حابارلايدى اlmaty-akshamy.kz.
نان كۇنىن شارۋالار، ۇن تارتۋشىلار، ناۋبايشىلاردىڭ دا كاسىبي مەرەكەسى دەۋگە بولادى.
وتاندىق شارۋالاردىڭ ەڭبەگىنىڭ ارقاسىندا ەلىمىز ايتارلىقتاي استىق رەسۋرستارىنا يە جانە ازىق-تۇلىك نارىعىنىڭ ماڭىزدى قاتىسۋشىسى بولىپ تابىلادى. بيىلعى جىل نان وسىرۋشىلەر ءۇشىن قيىن بولدى. الايدا، بارلىق سىن-تەگەۋرىندەرگە، قولايسىز اۋا رايى جاعدايلارىنا قاراماستان، قازاقستان ىشكى نارىقتى بيدايدىڭ قاجەتتى كولەمىمەن تولىق قامتاماسىز ەتىپ، سونداي-اق ءوزىنىڭ ەكسپورتتىق الەۋەتىندە ساقتايدى، دەپ جازدى اۋىل شارۋاشىلىعى مينيسترلىگى.
بۇگىنگى تاڭدا رەسپۋبليكا بويىنشا استىق جيناۋ ناۋقانى اياقتالۋدا، جۇمىستار 15،6 ملن گەكتارعا (90،2%) جۇرگىزىلدى. ورتاشا ونىمدىلىگى 9،3 س/گا بولعان كەزدە ديقاندار 14،6 ملن توننا استىق باستىردى.