جەتىسۋ اۋداندىق پوليسيا قىزمەتكەرلەرى مۇلىكتىك قىلمىس جاسادى دەگەن كۇدىكپەن 30 جاستاعى ەر ادامدى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ي.ەسىمدى ازاماتقا قاتىستى ق ر قك-نىڭ 188-بابى 1-بولىگى بويىنشا قىلمىستىق ءىس تەرگەلىپ جاتىر. ونىڭ دۇكەنگە كىرىپ، تۇرمىستىق حيميا زاتتارى بار سورەلەردىڭ جانىندا توقتاپ تۇرعانى بەلگىلى بولدى. وندا كۇدىكتى كۇرتەسىنىڭ ىشىنە بىرنەشە بوتەلكە سۋسابىن مەن باسقا دا تاۋارلاردى جاسىرعان. مۇنى ساۋدا الاڭىندا ورناتىلعان بەينەباقىلاۋ كامەرالارى ءتۇسىرىپ العان. كۇدىكتى بىردەن ءوز ءىسىن مويىندادى. ونىڭ جەكە باسى قالانىڭ باسقا اۋداندارىندا وسىعان ۇقساس، بۇرىن جاسالعان قىلمىسقا قاتىسى بار-جوعىنا تەكسەرىلىپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.