وسى جانە بيىلعا ارنالعان دامۋ جوسپارلارى جايىندا ەگجەي-تەگجەيلى وڭىرلىك كوممۋنيكاسيالار قىزمەتىنىڭ بريفينگىندە الماتى الپ حالىقارالىق اۋەجايىنىڭ پرەزيدەنتى الپ ەر تۋنگا ەرسوي ايتىپ بەردى، - دەپ حابارلايدى almaty-akshamy.kz
سپيكەردىڭ ايتۋىنشا، وتكەن جىلى الماتى اۋەجايى 7 ميلليوننان استام جولاۋشىنى قابىلداپ، 64 مىڭنان استام رەيس جاساعان.
«30 ناۋرىزدان باستاپ كوكتەم-جاز ماۋسىمى باستالدى. بيىل بىزگە 8 ميلليوننان استام جولاۋشى كەلەدى دەپ بولجاپ وتىرمىز. 67 باعىت بويىنشا 70 مىڭنان استام اۋە رەيسى جانە 94 مىڭ توننا جۇك رەيسى كۇتىلۋدە. ءبىز سونىمەن بىرگە جاڭا باعىتتار بويىنشا دامۋدى دا جوسپارلاپ وتىرمىز: اشحاباد، ەريەۆان، كاراچي، كۋتايسي، لاحور، ماسكات، كايرول جانە سيام»، - دەدى حابارلادى الماتى حالىقارالىق اۋەجايىنىڭ پرەزيدەنتى.
قازىرگى تاڭدا ەڭ تانىمال حالىقارالىق باعىتتار: ستامبۋل، دۋباي، انتاليا، ماسكەۋ جانە تاشكەنت رەيستەرى. ىشكى رەيستەردىڭ قاتارىندا استانا، شىمكەنت، اقتاۋ، اتىراۋ جانە اقتوبە بار.
سونداي-اق سپيكەر اۋەجايدا جاڭا تەرمينال قۇرىلىسى ءجۇرىپ جاتقانىن، جۇمىس 53 پايىزعا ورىندالعانىن ايتتى. بۇل جۇمىستار كەلەسى جىلدىڭ جازىنا دەيىن اياقتالادى دەپ كۇتىلۋدە.
سونداي-اق، اۋەجايداعى اۆتوتۇراق پەن پاندۋستاردى قايتا جاڭعىرتۋ ماسەلەلەرىنە دە ەرەكشە توقتالدى. اۋەجاي باسشىلىعى پاندۋستاردى جوندەۋ جۇمىستارى وسى جازدىڭ ورتاسىندا اياقتالاتىنىن اتاپ ءوتتى. بۇل رەتتە ولار حالىقارالىق رەيستەرگە پايدالانىلاتىن جاڭا پاندۋس سالۋدى جوسپارلاپ وتىر.
«جاڭا VIP-تەرمينالدىڭ قۇرىلىسى اياقتالعاننان كەيىن ونىڭ وڭتۇستىك بولىگى اۆتوتۇراق ءۇشىن پايدالانىلاتىن بولادى. ەكىنشى پاندۋس سالىنعاننان كەيىن تۇراق ورنى كەڭەيىپ، تۇراق ماسەلەسى شەشىلەدى دەپ كۇتەمىز»، - دەدى سپيكەر.
ءقازىر اۋەجاي باسشىلىعى سيفرلاندىرۋ ماسەلەسىنە كوڭىل بولۋدە. ماسەلەن، قۇرىلىس ءجۇرىپ جاتقان تەرمينالدا ەلەكتروندى ءوزىن-وزى تىركەۋ بەكەتتەرى مەن ساندىق جۇك جۇيەسىن ورناتۋ جوسپارلانۋدا. وسىعان ۇقساس جۇيەلەر جوندەۋ جۇمىستارى اياقتالعاننان كەيىن قولدانىستاعى تەرمينالعا دا ورناتىلادى.