بۇگىن، 5 شىلدەدە فۋتبولدان 2024 جىلعى ەۋروپا چەمپيوناتىنىڭ 1/4 فينالىندا يسپانيا مەن گەرمانيا جانە پورتۋگاليا مەن فرانسيا قۇرامالارى ب ا ق سىنايدى، دەپ حابارلايدى اlmaty-akshamy.kz.
كەشكى ساعات ساعات 21.00-دە يسپانيا مەن گەرمانيا شەبەرلىك بايقاسادى. كەزدەسۋ شتۋتگارت قالاسىنداعى «محپ» ستاديونىندا وتەدى. ويىنعا تانىمال تورەشى ەنتوني تەيلور تورەلىك ەتەدى.
قوس قۇراما دا ءوز توپتارىندا ۇزدىك ويىن ورنەگىن كورسەتىپ، پلەي-وفف كەزەڭىنە ءبىرىنشى ورىنمەن شىقتى. يسپانيا بۇل جولى شيرەك فينالدا تۋرنير قوجايىندارىن جارىس جولىنان شىعارۋعا تىرىسادى. ال، نەمىستەر ءوز جەرىندە ءوتىپ جاتقان دوپ دوداسىندا جەڭىس تۇعىرىنان كورىنۋگە بار كۇشىن سالادى.
تۇنگى ساعات 00.00-دە پورتۋگاليا مەن فرانسيا كەزدەسۋى باستالادى. ويىن گامبۋرگ قالاسىنداعى «فولكپاركشتاديون» ستاديونىندا وتەدى. ويىنعا باس قازى مايكل وليۆەر تورەلىك ەتەدى. اتالعان ماچتا جانكۇيەرلەر الەمنىڭ ۇزدىك ويىنشىلارىنىڭ ءبىرى، فۋتبول تۋرنيرلەرىنىڭ بىرنەشە رەكوردىن جاڭارتقان، 39 جاستاعى كريشتيانۋ رونالدۋ مەن فۋتبول الەمىندە وزىندىك ەرەكشە ويىنىمەن دارالانىپ جۇرگەن، جەلدەي جۇيىتكىگەن كيليان مباپپەنىڭ اراسىنداعى تەكەتىرەستى تاماشالايدى.
ەكى كەزدەسۋدى دە Qazsport تەلەارناسى تىكەلەي ەفيردەن كورسەتەدى.
ايتا كەتەيىك، ەۋروپا چەمپيوناتى گەرمانيادا ءوتىپ جاتىر.