استرونوميالىق قىس باستالىپ، قىسقى كۇن توقىراۋى بولادى.
استرونومداردىڭ ەسەپتەۋى بويىنشا، بيىل كۇندىزگى جارىق پايدا بولاتىن ءسات 21 جەلتوقساندا استانا ۋاقىتى بويىنشا ساعات 21:58-دە بولادى، دەپ حابارلايدى Almaty-akshamy.kz
بۇگىن كۇن ءوز ەكليپتيكاسىنىڭ ەڭ تومەنگى (وڭتۇستىك) (سولتۇستىك جارتى شار ءۇشىن) نۇكتەسىندە بولادى جانە كۇندىزگى جارىقتىڭ ۇزاقتىعى ەڭ از بولادى. كۇن بىرنەشە كۇن بويى وسى بيىكتىكتى ساقتايدى، وسىدان كۇن توقىراۋى دەگەن اتاۋ شىققان.
مىسالى، بۇگىن استانادا كۇن 09:15-تە شىقتى، ال 17:08-دە باتادى. كۇننىڭ ۇزاقتىعى 7 ساعات 53 مينۋتتى قۇرايدى. ەرتەڭ 22 جەلتوقساندا كۇن ۇزاقتىعى وزگەرىسسىز قالادى، ال 23 جەلتوقساندا كۇندىزگى جارىق 1 مينۋتقا ارتادى. 31 جەلتوقساندا كۇندىزگى جارىقتىڭ ۇزاقتىعى 7 ساعات 58 مينۋتتى قۇرايتىن بولادى.
قىسقى كۇن توقىراۋى جىلدىڭ ەڭ قىسقا كۇنى جانە ەڭ ۇزاق ءتۇنى بولىپ ەسەپتەلەدى. وسىعان قاتىستى كوپتەگەن حالىقتاردا ءتۇرلى راسىمدەر بار. سونىڭ ءبىرى – ءۇيدى قوقىستاردان، ال سانانى نەگاتيۆ ويلاردان تازارتۋ.