بيىل 8 جارمەڭكە ۇيىمداستىرىلدى.
الماتىدا جىل باسىنان بەرى مەملەكەتتىك باعدارلاما اياسىندا 57 مىڭنان استام جۇمىس ورنى اشىلدى، ونىڭ 40 مىڭنان استامى - تۇراقتى، ال قالعاندارى - ۋاقىتشا. بۇل تۋرالى باسپا ءسوز ءماسليحاتى بارىسىندا قالالىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى نازيرا توعىزبايەۆا ءمالىم ەتتى، دەپ حابارلايدى Almaty-akshamy.kz.
سپيكەر قالا تۇرعىندارى مەن قوناقتارى جۇمىس تابۋ ءۇشىن جۇمىسپەن قامتۋ ورتالىعىنا جۇگىنە الاتىنىن اتاپ ءوتتى.
«سونداي-اق ءبىز توقسان سايىن بوس جۇمىس ورىندارى جارمەڭكەسىن وتكىزەمىز. بيىل 8 جارمەڭكە ۇيىمداستىرىلدى، سونىڭ ىشىندە مۇمكىندىگى شەكتەۋلى جاندار ءۇشىن بولەك وتكىزىلدى. تولىعىراق ايتار بولساق، تۇراقتى جۇمىس ورىندارى نەگىزىنەن قۇرىلىس، ءبىلىم بەرۋ، كوتەرمە جانە بولشەك ساۋدا سالالارىندا بولسا، ۋاقىتشا جۇمىس ورىندارى – قوعامدىق جانە الەۋمەتتىك جۇمىس ورىندارى، جاستار تاجىريبەسى. ياعني، بىزدە سان الۋان باعىت بار. جۇمىسسىزدارعا بارىنشا كومەك كورسەتۋگە دايىنبىز. بارلىق سۇراقتار بويىنشا جۇمىسپەن قامتۋ ورتالىعىنا حابارلاسۋعا بولادى»، - دەدى ءنازيرا توعىزبايەۆا.
ايتۋىنشا، جىل باسىنان بەرى مەگاپوليستە 57 مىڭنان استام ادام جۇمىسقا ورنالاستى. ونىڭ 40 مىڭنان استامى تۇراقتى جۇمىس تاپسا، قالعاندارى - ۋاقىتشا.
الماتى قالاسى اكىمىنىڭ ورىنباسارى اسەم ءنۇسىپوۆا قالادا جۇمىسپەن قامتۋ جانە ورنالاستىرۋ 94 پايىز ەكەنىن اتاپ ءوتتى.
«دەسەك تە، قالادا جاستار اراسىندا ءالى دە جۇمىسسىزدىق بار. بۇل ماسەلە ەرەكشە باقىلاۋدا»، - دەدى ول.