نوسەر جاڭبىر سالدارى
الماتى وبلىسىنىڭ كەگەن اۋدانىندا رەسپۋبليكالىق جول جيەگىن سۋ شايىپ كەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«الماتى وبلىسىنىڭ كەگەن اۋدانىندا رەسپۋبليكالىق ماڭىزى بار كوكپەك - كەگەن - ءتۇپ - جالاڭاش - ساتى - كولساي كولى جولىنىڭ 10-11 شاقىرىم ارالىعىنداعى جيەكتى 23 ماۋسىم كۇنگى نوسەر جاڭبىر شايىپ كەتتى. اتالعان ۋچاسكەدە جول قاۋىپسىزدىگىن قامتاماسىز ەتۋ ماقساتىندا توتەنشە جاعدايلاردىڭ الدىن الۋ مەكەمەسى، اۋدان اكىمشىلىگى، پوليسيا قىزمەتكەرلەرى، دەۋ-91 مەكەمەسىنىڭ وكىلدەرى تاراپىنان كەزەكشىلىك ۇيىمداستىرىلىپ، جول قوزعالىسى قالپىنا كەلتىرىلدى. جول قاۋىپسىزدىگىن قامتاماسىز ەتۋ ماقساتىندا تابيعات سالدارىنان ورىن العان جاعدايدى قالپىنا كەلتىرۋ جۋمىستارى جۇرگىزىلۋدە»،- دەلىنگەن كەگەن اۋدانى اكىمىنىڭ باسپا ءسوز قىزمەتىنىڭ حابارلاماسىندا.