بۇگىن فۋتبولدان قازاقستان سۋپەركۋبوگى وتكىزىلەدى

ويىن «Qazsport» تەلەارناسىنان تىكەلەي ەفيردە كورسەتىلەدى.

كەزدەسۋ 2 ناۋرىزدا ەلوردا ۋاقىتىمەن 19:30-دە «استانا ارەنا» ستاديونىندا وتكىزىلەدى، دەپ حابارلايدى Almaty-akshamy.kz

بۇل جولى اتالمىش جۇلدەنى وتكەن ماۋسىمنىڭ چەمپيونى قوستانايلىق «توبىل» مەن كۋبوك يەگەرى الماتىلىق «قايرات» ساراپقا سالادى. سۋپەركۋبوكتى كلاسسيكالىق تۇردە ءبىر ويىننان وتكىزۋ تۋرالى شەشىم قابىلداندى.

بۇل بيىلعى ناۋرىز ايىندا ويىندار كۇنتىزبەسىنىڭ تىعىزدىعىنا بايلانىستى كلۋبتارمەن كەلىسىم بويىنشا قابىلداندى. بۇگىنگى كۇنگە دەيىن سۋپەركۋبوكتا ەل چەمپيونى مەن كۋبوك يەگەرى شەبەرلىك بايقاستى. فينالدا توعىز كوماندا ب ا ق سىناعان.

ولاردىڭ اراسىندا «استانا» سەگىز مارتە فينالدا ويناپ، بەس مارتە (2011، 2015، 2018، 2019، 2020) كۋبوكتى يەلەندى. ودان كەيىنگى كەزەكتە الماتىنىڭ «قايراتى» 5 مارتە فينالدا ب ا ق سىناپ، ۇشەۋىندە (2016، 2017) جەڭىمپاز اتاندى. ال «اقتوبە» 2 (2008، 2010)، «ەلىماي» (1995)، «ورداباسى» (2012)، «شاحتەر» (2013) جانە «توبىل» (2021) كوماندالارى بىر-بىردەن جەڭىمپاز تۇعىرىنان كورىندى. سونداي-اق، «اتىراۋ»، «ۆوستوك» جانە «قايسار» كوماندالارى سۋپەركۋبوكقا شىققانىمەن بىردە-بىر مارتە وعان قول جەتكىزە العان جوق.

ەسكە سالساق، بيىل ەل بىرىنشىلىگى 5 ناۋرىزدا جالاۋىن كوتەرەدى. العاشقى تۋردا 5 ناۋرىزدا «كاسپيي» (اقتاۋ) مەن «قىزىلجار»، «تۇران» (تۇركىستان) مەن «تاراز»، «اتىراۋ» مەن «اقسۋ» (پاۆلودار وبلىسى)، «استانا» (نۇر-سۇلتان) مەن «شاحتەر» (قاراعاندى)، «ورداباسى» (شىمكەنت) مەن «ماقتاارال» (تۇركىستان وبلىسى) كوماندالارى كەزدەسەدى.