نايزاعاي ويناپ، داۋىل سوعادى
13 شىلدەدە ەلىمىزدىڭ جەتى وبلىسىندا اپتاپ ىستىق بولىپ، كۇن كۇركىرەيدى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ. كۇندىز قىزىلوردا وبلىسىنىڭ ورتالىعىندا داۋىل سوعادى. سولتۇستىك-شىعىستان جەل سوعادى، وبلىس ورتالىعىندا جىلدامدىعى 15-20 م/س جەتەدى. وبلىستىڭ باسىم بولىگىندە توتەنشە ءورت ءقاۋپى ساقتالادى. قىزىلوردادا توتەنشە ءورت ءقاۋىپى ساقتالادى. الماتى وبلىسىنىڭ وڭتۇستىگىندە جانە تاۋلى اۋداندارىندا نايزاعاي وينايدى. سولتۇستىك-شىعىستان جەل سوعىپ، كۇن كۇركىرەگەن كەزدە ەكپىنى 15-20 م/س جەتەدى. كونايەۆ پەن الماتىدا 13 شىلدەدە كۇندىز نايزاعاي وينايدى. كۇندىز اتىراۋ وبلىسىنىڭ باسىم بولىگىندە 35-39 گرادۋس ىستىق، وبلىستىڭ وڭتۇستىگىندە 42 گرادۋسقا جەتەدى. وبلىستىڭ باسىم بولىگىندە توتەنشە ءورت ءقاۋپى ساقتالادى. اتىراۋدا كۇندىز 37-39 گرادۋس ىستىق. تۇركىستان وبلىسىنىڭ تاۋلارىندا نايزاعاي ويناپ، بۇرشاق جاۋادى. وبلىستىڭ سولتۇستىگىندە داۋىل تۇرادى. سولتۇستىك-شىعىستان سوققان جەل وبلىستىڭ سولتۇستىگىندە، تاۋلى اۋدانداردا 15-20 م/س جىلدامدىقپەن سوعادى. كۇندىز باتىس قازاقستان وبلىسىنىڭ باتىسىندا نايزاعاي ويناپ، بۇرشاق جاۋادى. وڭتۇستىك-شىعىستان سولتۇستىك-باتىسقا اۋىساتىن جەلدىڭ ەكپىنى كۇن كۇركىرەگەن كەزدە 15-20 م/س جەتەدى، وبلىستىڭ باسىم بولىگىندە 35-39 گرادۋس ىستىق، وبلىستىڭ وڭتۇستىگىندە 42 گرادۋس ىستىق بولادى دەپ بولجاندى. ورالدا كۇندىز 38 گرادۋس ىستىق بولادى. 13 شىلدەدە كۇندىز پاۆلودار وبلىسىنىڭ سولتۇستىگىندە نايزاعاي وينايدى. سولتۇستىكتەن سوققان جەلدىڭ نايزاعاي كەزىندەگى ەكپىنى 15-20 م/س. كۇندىز قوستاناي وبلىسىنىڭ وڭتۇستىگىندە اۋا تەمپەراتۋراسى 36 گرادۋسقا دەيىن جەتەدى. باتىستا، وبلىس ورتالىعىندا جوعارى ءورت ءقاۋپى ساقتالادى.