نايزاعاي ويناپ، كۇن رايى بۇزىلادى.
"قازگيدرومەت" رمك ەلىمىز بويىنشا 20 مامىرعا ارنالعان اۋا رايىنىڭ جالپى بولجامىن جاريالادى، دەپ حابارلايدى Almaty-akshamy.kz
"وڭتۇستىك سيكلون جانە ونىمەن بايلانىستى جىلجىعان اتموسفەرالىق فرونتالدى بولىكتەرگە بايلانىستى ق ر اۋماعىنىڭ باسىم بولىگىنە نايزاعاي ويناپ، جاڭبىر جاۋادى، ەلىمىزدىڭ سولتۇستىك-باتىسىندا، سولتۇستىگىندە، وڭتۇستىگىندە، وڭتۇستىك-شىعىسىندا قاتتى جاڭبىر جاۋادى، بۇرشاق تۇسەدى، قاتتى جەل تۇرادى دەپ كۇتىلەدى. رەسپۋبليكامىز بويىنشا جەلدىڭ كۇش الۋ قۇبىلىسى ءتان، ەلدىڭ وڭتۇستىگىندە شاڭدى داۋىل تۇرىپ، سولتۇستىك-باتىس، سولتۇستىك وڭىردە تۇمان بولادى"، دەلىنگەن "قازگيدرومەت" رمك بولجامىندا.
قاراعاندى وبلىسىنىڭ وڭتۇستىگىندە، ورتالىعىندا، اتىراۋ وبلىسىنىڭ سولتۇستىك-باتىسىندا، شىعىسىندا، قىزىلوردانىڭ ورتالىعىندا، باتىس قازاقستان وبلىسىنىڭ باتىسىندا، شىعىس قازاقستان وبلىسىنىڭ وڭتۇستىك-شىعىسىندا، تۇركىستان وبلىسىنىڭ شولەيتتى اۋداندارىندا ءورت ءقاۋپى جوعارى، شىعىس قازاقستان وبلىسىنىڭ سولتۇستىك-باتىسىندا، اباي وبلىسىنىڭ ورتالىعىندا ءورت ءقاۋپى جوعارى. اباي وبلىسىنىڭ وڭتۇستىگىندە توتەنشە ءورت ءقاۋپى ساقتالادى.