دۇنيە ءجۇزى بويىنشا جىل سايىن 17 مامىردا اتاپ وتىلەتىن گيپەرتونيامەن كۇرەس كۇنى جوعارى قان قىسىمىن باقىلاۋ مەن الدىن الۋدىڭ ماڭىزدىلىعىنا نازار اۋدارايىق.
گيپەرتونيا - بۇل سيمپتومدارى بايقالمايتىن، ءبىراق ينفاركت پەن ينسۋلت سياقتى اۋىر اسقىنۋلارعا اكەلۋى مۇمكىن ءقاۋىپتى سىرقات.
ەسىڭىزدە بولسىن، ءارقايسىمىز ءوز دەنساۋلىعىمىزدى قورعاۋ قادامدارىن جاساي الامىز، ولار:
- قان قىسىمىن باقىلاۋ؛
- جەمىس، كوكونىستەرگە جانە ءداندى داقىلدارعا باي پايدالى تاعامداردى تۇتىنۋ؛
- ۇنەمى دەنە شىنىقتىرۋمەن شۇعىلدانۋ؛
- تۇز بەن الكوگولدى تۇتىنۋدى شەكتەۋ؛
- تەمەكى شەگۋدەن اۋلاق بولۋ جانە سترەسستى باسقارۋ.
«قان قىسىمىن ولشەۋ - بۇل جۇرەك-قان تامىرلارى جۇيەسىنىڭ ساۋلىعىن باقىلاۋدىڭ ماڭىزدى پروسەدۋراسى»، - دەيدى كارديولوگيا جانە ىشكى اۋرۋلار عزي كارديولوگيا جانە وڭالتۋ بولىمشەسىنىڭ كارديولوگ دارىگەرى ناتاليا گوردينا.
دارىگەردىڭ ايتۋىنشا، ناقتى ناتيجە الۋ ءۇشىن كەلەسى ەرەجەلەردى ساقتاۋ كەرەك.
ولشەۋگە دايىندىق:
- ارتقى تىرەگى بار ىڭعايلى ورىندىقتا وتىرىپ، تىنىش ورتادا قان قىسىمىن ولشەڭىز؛
- جاتتىعۋدان، سترەستىك جاعدايلاردان، تەمەكى شەگۋدەن، كوفەيننەن نەمەسە تاماقتان كەيىن بىردەن قىسىمدى ولشەمەڭىز كەم دەگەندە 30 مينۋت كۇتىڭىز؛
- ولشەۋ الدىندا دارەتحاناعا بارىڭىز، ويتكەنى تولىق قۋىق ناتيجەگە اسەر ەتۋى مۇمكىن.
- تىك وتىرىڭىز، اياعىڭىزدى ايقاستىرماڭىز نەمەسە كوتەرمەڭىز.
- قان قىسىمى ولشەنەتىن قول بوساڭسىپ، ۇستەلگە جۇرەك دەڭگەيىندە ورنالاسۋى كەرەك.
ولشەۋ پروسەسى:
- قولىڭىزدىڭ ولشەمىنە سايكەس كەلەتىن دۇرىس مانجەتتى قولدانىڭىز سايكەس ەمەس مانجەت قاتە ناتيجە بەرۋى مۇمكىن؛
- شىنتاق بۇكتەمەسىنەن شامامەن 2-3 سم شەگىنىپ، مانجەتتى يىققا سىرعىتىڭىز؛
- مانجەت قولىڭىزعا تىعىز ورنالاسۋى كەرەك، ءبىراق تىم تىعىز بولماۋى كەرەك؛
- ولشەۋ كەزىندە قوزعالماڭىز نەمەسە سويلەمەڭىز.
ولشەۋ جيىلىگى:
- دالدىك ءۇشىن قىسىمدى 1-2 مينۋت ارالىقپەن بىرنەشە رەت ولشەپ، ورتاشا ءماندى ەسەپتەڭىز؛
- ديناميكانى باقىلاۋ ءۇشىن كۇن سايىن ءبىر ۋاقىتتا ولشەڭىز.
جازبالاردى جۇرگىزۋ:
- ءار ولشەمنىڭ ناتيجەلەرىن كۇندى، ۋاقىتتى جانە كەز-كەلگەن ەسكەرتۋلەردى جازىڭىز (مىسالى: ولشەۋ الدىندا ءسىز سپورتپەن شۇعىلداندىڭىز نەمەسە كۇيزەلىسكە ۇشىرادىڭىز).
وسى ەرەجەلەردى ساقتاۋ قان قىسىمىنىڭ ناقتى ناتيجەلەرىن الۋعا كومەكتەسەدى.
قان قىسىمىن تەكسەرىڭىز، سالاۋاتتى ءومىر سالتىن ۇستانىڭىز جانە بەلسەندى بولىڭىز. بۇگىن وزىڭىزگە جاساعان قامقورلىعىڭىز – ەرتەڭگى دەنساۋلىعىڭىز!