الماتىدا ءورت سوندىرۋشىلەر ورتەنىپ جاتقان ۇيدەن 3 ەرەسەك ادام مەن 1 بالانى امان الىپ شىقتى.
16 مامىر، 12:55-تە الماتى قالالىق توتەنشە جاعدايلار دەپارتامەنتىنە ءورت تۋرالى حابار تۇسكەن.
ءورت مەدەۋ اۋدانى نۇسىپبەكوۆ كوشەسىنىڭ بويىندا ورنالاسقان تۇرعىن ءۇيدىڭ ەكىنشى قاباتىندا تۇتانعان. وندا 4 شارشى مەتردى قۇرايتىن جۋىنۋ بولمەسىنەن ءورت شىققانى انىقتالدى، دەپ حابارلايدى Almaty-akshamy.kz.
قىزىل جالىننىڭ ءتۇتىنى تۇتاس ۇيگە تاراپ، تۇرعىنداردىڭ ومىرىنە ءقاۋىپ تونگەن.
ءورت سوندىرۋشىلەر شاقىرتۋ تۇسكەن مەكەنجايدان ءوز بەتىنشە سىرتقا شىعا الماعان 4 ەرەسەك پەن 1 بالانى قۇتقاردى.
«قۇرامىندا اعا ينجەنەر ب.جانۇزاق، ءبولىم كومانديرى ي.ارۋپوۆ، اعا ءورت ءسوندىرۋشى-قۇتقارۋشى ن.سادىروۆ، ءورت ءسوندىرۋشى ە.ەركىنباي، د.جۋسانبايەۆ بار گاز جانە تۇتىننەن قورعاۋ قىزمەتىنىڭ بولىمشەسى ءتورت ادامدى قۇتقاردى، ولاردىڭ ءبىرى بالا. قيمىل-قوزعالىسى شەكتەلگەن ەر ادام زارداپ شەككەن جوق»، - دەپ حابارلادى الماتى تجد.