اقپاننىڭ ءۇشىنشى بەيسەنبىسىندە اتاپ وتىلەتىن بۇكىلالەمدىك اقپاراتتى باسقارۋ كۇنى تاعى ءبىر اتاۋلى كۇنمەن تىعىز بايلانىستى. ول 1992 جىلى اقپاراتتاندىرۋ حالىقارالىق فورۋمىنىڭ شەشىمىمەن دۇنيەجۇزىلىك اقپارات كۇنى رەتىندە بەلگىلەنگەن جانە ول 26 قاراشا كۇنى اتالادى. اقپاراتقا قاتىستى كۇنتىزبەدە بىر-بىرىنە ۇقساس ەكى كۇننىڭ بەلگىلەنۋى قالاي دەگەن زاڭدى سۇراق تۋىندايدى.
قاراشاداعى مەرەكە اقپاراتتىڭ قازىرگى زامانداعى ماڭىزدىلىعىن كورسەتۋگە، ءبىز ءومىر ءسۇرىپ وتىرعان عاسىردىڭ اقپارات عاسىرى ەكەنىن تاعى ءبىر مارتە ەسكە سالۋ ءۇشىن ارنالعان.
"اقپاراتقا يە ادام الەمدى باسقارادى" دەگەن ۇران حح عاسىردا ماڭىزدى بولا باستاسا دا، ءححى عاسىردا دا قۇنىن جويمادى. بۇعان كوپ نارسە سەبەپ بولدى: اقپاراتتى تاراتۋ تەحنولوگيالارىنىڭ دامۋى جانە ونى ساقتاۋ، اقپاراتتىڭ جىلدام تاراۋى، بەرىلەتىن اقپاراتتىڭ سيپاتى مەن كولەمىنىڭ كەڭەيۋى جانە ت.ب.
اقپاراتتى بەرۋدەگى جەڭىلدىك، جىلدامدىق، اۋقىمىنىڭ كەڭەيۋى مەن ونىمەن الماسۋدىڭ قولجەتىمدىلىگى، اقپاراتتى ساقتاۋ زامانۋي قوعامنىڭ اجىراماس ءبىر بولىگىنە اينالدى.
الايدا، ءبىزدىڭ ومىرىمىزدەگى كوپتەگەن فاكتورلار سياقتى اقپاراتتىڭ جاقسى جاعىمەن بىرگە، زياندى تۇستارى دا قاتار جۇرەدى. اقپارات قايناپ جاتقان ومىردە كوپتەگەن كۇندەلىكتى ماسەلەلەردى شەشۋگە، تەحنوگەندى نەمەسە تابيعي اپاتتاردىڭ زاردابىن ەسكەرتۋگە، ءبىر نارسەدەن حاباردار ەتىپ، ۇيرەتۋ سيپاتىنا يە، بايلانىس ورناتۋدا دا جاقسى كومەكشى. دەگەنمەن دە، ونىڭ كەرى جاقتارى دا بار: سۋبەكتيۆتى كوزقاراستاردىڭ سەبەبىنەن تاراتىلعان اقپارات جالعان بولۋى دا مۇمكىن جانە سونىسىنا قاراي ادامداردا ۇرەي تۋدىرۋى مۇمكىن، جالعان كوزقاراستار مەن ويلار قالىپتاستىرۋى ىقتيمال. قاي جاعىنان الىپ قاراساق تا، بۇل سەبەپتەر اقپاراتتى باسقارۋمەن تىكەلەي بايلانىستى،
مىنە، وسى اتاۋلى كۇن ناقتىلاي ايتقاندا، اقپاراتتى باسقارۋعا ارنالعان. بۇل رەتتە اقپاراتتى باسقارۋ ۇعىمىنىڭ استارىندا كوپتەگەن ۇعىم بار: اقپاراتتى تالداۋ، ونى قورعاۋ، ونى تاراتۋ نەمەسە بەرۋ نۇسقالارى، ساقتاۋ.
بۇل داتانى اقپاراتتى قۇرۋ، تاراتۋ، پايدالانۋ جانە جويۋ تيىمدىلىگىنە جاۋاپتى، ياعني بەلگىلى ءبىر سالالاردا (دەنساۋلىق ساقتاۋ، قۇقىق ءتارتىبى، ديپلوماتيا، قورعانىس، ءبىلىم بەرۋ، ت.ب) قىزمەت ەتەتىن ءتۇرلى سالا وكىلدەرى اتاپ وتەدى. مۇنداي سالالاردىڭ ءارقايسىسىندا اقپاراتتى باسقارۋدىڭ وزىندىك ەرەكشەلىكتەرى بار.
اقپاراتتى باسقارۋ پروسەسىندە، جالپى العاندا، ءارتۇرلى دەڭگەيدەگى اقپاراتتىڭ ۇلكەن كولەمىنىڭ بەرىلۋى ونىڭ باعىتتالعان سوڭعى پايدالانۋشىعا قالاي جەتەتىنى، ونىڭ قالاي قابىلدايتىنى ماڭىزدى. ونىڭ (قاراپايىم ازاماتتىڭ) ءوزى - «الۋشى» عانا ەمەس، سونىمەن قاتار بەلگىلى ءبىر اقپاراتتىڭ كوزى. وسىعان بايلانىستى دۇنيەجۇزىلىك اقپاراتتى باسقارۋ كۇنى ءاربىر ادام ءۇشىن وزەكتى. ءارقايسىمىز ونى قالاي دۇرىس باسقارۋدى ۇيرەنۋىمىز كەرەك: تالداۋدى، «ءسۇزۋدى»، ساقتاۋدى، بەرۋدى جانە ەڭ ماڭىزدىسىن بەرۋ كەرەك جانە مۇنى بالالارىمىزعا ءتۇسىندىرىپ، ۇيرەتۋ كەرەك.
ماتەريال Calend.ru سايتىنان ازىرلەندى