الماتىداعى «دەمەۋ» الەۋمەتتىك قىزمەت كورسەتۋ ورتالىعىنىڭ قىزمەتكەرلەرى سوتتالدى، دەپ حابارلايدى اlmaty-akshamy.kz ق ر قارجىلىق مونيتورينگ اگەنتتىگىنىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعاندا، مەديسينالىق-الەۋمەتتىك مەكەمەلەر مەن بالالار ۇيىندەگى ازاماتتاردىڭ قۇقىقتارىن قورعاۋ قارجى مونيتورينگى اگەنتتىگىنىڭ ءجىتى نازارىندا.
الماتى قالاسى بويىنشا قارجى مونيتورينگى اگەنتتىگىنىڭ اۋماقتىق دەپارتامەنتى «QAMQOR» جەدەل الدىن الۋ شاراسى اياسىندا، الماتى قالاسى ءبىلىم باسقارماسىنىڭ «دەمەۋ» الەۋمەتتىك قىزمەتتەر ورتالىعى» كمم 18 جاستان اسقان پسيحونيەۆرولوگيالىق اۋرۋلارى بار ادامدارعا ارنالعان مەديسينالىق-الەۋمەتتىك مەكەمەسىنىڭ باس بۋحگالتەرى مەن قىزمەتكەرىنە قاتىستى سوتقا دەيىنگى تەرگەۋدى اياقتادى.
تەرگەۋ ايىپتالۋشىلارعا قاتىستى 10 ملن تەڭگەدەن استام شىعىن سوماسىمەن پسيحونيەۆرولوگيالىق اۋرۋلارى بار ادامدارعا جۇمسالاتىن جانە وڭالتۋعا بولىنگەن بيۋدجەت قاراجاتىن جىمقىرعانى ءۇشىن ايىپ تاعىلدى.
«سوتقا دەيىنگى تەرگەۋ بارىسىندا جىمقىرىلعان قاراجات تولىق كولەمدە وتەلدى»، -دەلىنگەن حابارلامادا.