2022 جىلعى 16 اقپاندا ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى باقىت سۇلتانوۆ الماتى اكىمدىگىندە ساۋدا، الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ جانە تارتىپسىزدىك كەزەڭىندە بيزنەس سۋبەكتىلەرىنە كەلتىرىلگەن شىعىندى وتەۋ ماسەلەلەرى بويىنشا كەڭەس وتكىزدى.
قازىرگى كەزدە الماتى قازاقستاننىڭ ەڭ ءىرى ساۋدا جانە مادەني ورتالىعى بولىپ تابىلادى. قر-دا تىركەلگەن كاسىپورىنداردىڭ ۇشتەن ءبىر بولىگى وسى قالادا ورنالاسقان.
«ساۋدا الماتى ەكونوميكاسىنىڭ نەگىزگى سالاسى بولىپ تابىلادى. 2021 جىلى بولشەك ساۋدانىڭ ءوسۋى 13،5%-دى، كولەمى – 4 ترلن 212 ملرد تەڭگە. الماتىنىڭ بولشەك ساۋدا كولەمىندەگى بولشەك ساۋدا ۇلەسى 31،5%-دى قۇرايدى»، - دەپ اتاپ ءوتتى باقىت سۇلتانوۆ.
پرەمەر-مينيستردىڭ ورىنباسارى – ق ر ساۋدا جانە ينتەگراسيا ءمينيسترى باقىت سۇلتانوۆتىڭ ايتۋىنشا، قاڭتارداعى وقيعالار جەكەلەگەن بيزنەس سۋبەكتىلەرىنىڭ، اسىرەسە ساۋدا سالاسىنداعى جۇمىسىنا تەرىس اسەر ەتتى.
بۇگىنگى تاڭدا ۇكىمەتتىك كوميسسيا زارداپ شەككەن كاسىپكەرلەرگە كەلتىرىلگەن شىعىندى وتەۋ تەتىگىن بەكىتتى، وعان ءبىرقاتار وزگەرىستەر ەنگىزۋ ۇسىنىلادى.
الماتى قالاسىنىڭ وڭىرلىك كوميسسياسى قولدانىستاعى تەتىككە وزگەرىستەر ەنگىزۋدى ۇسىندى. الماتى اكىمى ەربولات دوسايەۆ مالىمدەگەندەي، شىعىننىڭ بارلىق ساناتتارى ءۇشىن 10 ملن تەڭگەگە دەيىنگى تولەم سوماسىمەن جەڭىلدەتىلگەن ەسەپ بويىنشا زالالدى وتەۋدى جۇزەگە اسىرۋ، سونداي-اق «جابدىق» ساناتى ءۇشىن جەڭىلدەتىلگەن تەتىكتى قولدانۋ جانە ادۆوكاتتاردىڭ قىزمەتتەرىنە اقى تولەۋدى وتەۋ ۇسىنىلدى.
«بۇل وتىنىمدەردى قاراۋ مەرزىمىن 1 ايدان 2 اپتاعا دەيىن قىسقارتۋعا جانە بيزنەسكە كەلتىرىلگەن شىعىندى وتەۋ ءراسىمىن ەداۋىر جەدەلدەتۋگە مۇمكىندىك بەرەدى»، - دەپ حابارلادى الماتى اكىمى ەربولات دوسايەۆ.
سونداي-اق، الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ ماسەلەسى تالقىلاندى
«اينالىمداعى» قارىزدار اياسىندا ءامات باعاسىن تۇراقتاندىرۋ ءۇشىن جەرگىلىكتى بيۋدجەتتەن كوكونىس، ەت ونىمدەرى، جۇمىرتقا جانە باكالەيا باعالارىن بەلگىلەۋ ءۇشىن 11 ملرد تەڭگە ءبولىندى. سونداي-اق، الەۋمەتتىك نان، ءسۇت ونىمدەرى مەن كۇنباعىس مايىنىڭ ءىرى وندىرۋشىلەرىنە قارىز ءبولۋ پىسىقتالۋدا.
بۇدان باسقا، قالا اكىمدىگىندە پرەمەر-مينيستردىڭ ورىنباسارىنا باياندالعانداي، قازىرگى كەزدە اكىمدىك جەڭىلدىكپەن قارجىلاندىرۋ جانە ۋاقىتشا ساقتاۋ قويمالارىن سالۋ ءۇشىن قالا شەگىندە جەر تەلىمدەرىن ءبولۋ ارقىلى ميني-حابتار قۇرۋ مۇمكىندىگىن قاراستىرۋدا. بۇل ءۇي جانىنداعى دۇكەندەردىڭ الىپساتارلارعا تاۋەلدىلىگىن تومەندەتۋگە، شاعىن ساۋدا نۇكتەلەرىنىڭ يەلەرىن ءىرى كوتەرمە ساۋدا بازارلارىندا ءوز بەتىنشە ساتىپ الۋ قاجەتتىگىنەن قۇتقارۋعا مۇمكىندىك بەرەدى. بۇل، تۇتاستاي العاندا، شاعىن ىشكى دۇكەندەردەگى باعا دەڭگەيىنە وڭ اسەر ەتۋى كەرەك.
كەڭەس قورىتىندىسى بويىنشا، باقىت سۇلتانوۆ الماتى اكىمدىگىنە جانە ق ر ءسيم-نىڭ ساۋدا كوميتەتىنە باعالاردى مونيتورينگىلەۋ جانە تالداۋ بويىنشا جۇمىستى جالعاستىرۋدى، ءامات باعالارىن تۇراقتاندىرۋ اياسىندا «اينالىم سىزباسىن» ۇلعايتۋ بويىنشا شارالار قابىلداۋدى، ازىق-تۇلىك تاۋارلارىنا باعا بەلگىلەۋدىڭ بارلىق تىزبەگى بويىنشا دەلدالدىق سىزبالاردى تەكسەرۋ جونىندەگى ايماقتىق كوميسسيالاردىڭ قىزمەتىن جانداندىرۋدى، سونداي-اق زارداپ شەككەن كاسىپكەرلىك سۋبەكتىلەرىنە كومەك كورسەتۋ جانە وتەماقى تولەۋ جونىندەگى جۇمىستى جالعاستىرۋدى تاپسىردى.