18 تامىزدا بۇل كۇن ەلىمىزدە جىل سايىن اتالىپ وتەدى.
مينيستر اۋە قورعانىسى كۇشتەرى كۇنىمەن قۇتتىقتادى، دەپ حابارلايدى aqshamnews.kz
قارۋلى كۇشتەردىڭ بۇل ءتۇرى 26 جىل بويى اۋە كەڭىستىگىنىڭ سەنىمدى قالقانى رەتىندە قىزمەت ەتىپ كەلەدى.
«1998 جىلى اۋە شابۋىلىنا قارسى قورعانىس اسكەرلەرى مەن اسكەري-اۋە كۇشتەرى اۋە قورعانىسى كۇشتەرىنە اينالدى. بۇگىندە ولار اسكەري جانە اسكەري تەحنيكانىڭ زاماناۋي ۇلگىلەرى بار قارۋلى كۇشتەردىڭ جوعارى تەحنولوگيالىق، مانيەۆرلىك ءتۇرى بولىپ سانالادى. اقك قۇرامالارى مەن اسكەري بولىمدەرى مەملەكەتىمىزدىڭ اۋە شەبىن كۇزەتۋدە تاۋلىك بويى جاۋىنگەرلىك كەزەكشىلىك اتقاراتىن تۇراقتى جاۋىنگەرلىك دايارلىق بولىمدەرى بولىپ كەلەدى. اۋە قورعانىسى كۇشتەرى ەلىمىزدىڭ اسكەري اۆياسياسى جانە اۋە شابۋىلىنا قارسى قورعانىسىن جەتىلدىرۋگە ايتارلىقتاي ۇلەس قوسقان كورنەكتى اسكەري قولباسشىلاردى تاربيەلەدى. كوپتەگەن گەنەرال مەن وفيسەرلەر ۇلكەن كاسىبي تاجىريبەگە يە بولدى جانە اسكەري-اۋە كۇشتەرىندە، اۋە شابۋىلىنا قارسى قورعانىس اسكەرلەرىندە، قورعانىس مينيسترلىگىندە ءارى قارۋلى كۇشتەردىڭ باس شتابىندا جاۋاپتى قىزمەت اتقارادى. اقك جەكە قۇرامى اعا ۇرپاقتىڭ داڭقتى جاۋىنگەرلىك داستۇرلەرىن ابىرويمەن جالعاستىراتىنىنا سەنىمدىمىن»،-دەدى قورعانىس ءمينيسترى، گەنەرال-پولكوۆنيك رۋسلان جاقسىلىقوۆ.