قۇتقارۋشىلار سەل قاۋپىنە بايلانىستى ىلە الاتاۋى تاۋلارىنا بارماۋدى ەسكەرتتى.
الماتىنىڭ تاۋلى ايماقتارىندا سەل ءجۇرۋ ءقاۋپى جاريالاندى، دەپ حابارلايدى aqshamnews.kz قالالىق توتەنشە جاعدايلار دەپارتامەنتىنە سىلتەمە جاساپ.
"قازگيدرومەت"ء-تىڭ داۋىلدى ەسكەرتۋىنە سايكەس، جاۋىن-شاشىن سالدارىنان الماتى قالاسىنىڭ كىشى جانە ۇلكەن وزەندەرىنىڭ باسسەينىندە سەل ءجۇرۋ ءقاۋپى بار.
"قۇرمەتتى تۋريستەر، الماتى قالاسىنىڭ تۇرعىندارى جانە قوناقتارى، ەستەرىڭىزگە سالامىز! سەل قاۋپىنە بايلانىستى ىلە الاتاۋى تاۋلارىنا بارماۋلارىڭىزدى سۇرايمىز"، - دەلىنگەن حابارلامادا.
"قازسەل" قورعانىس بولىمشەلەرى سەل ءقاۋپى بار ايماقتاردا باقىلاۋدىڭ كۇشەيتىلگەن جيىلىگىنە كوشىرىلدى، اۋەدەن جانە جەردەن ءتۇسىرۋ جۇمىستارى جۇرگىزىلۋدە، ينجەنەرلىك-تەحنيكالىق قىزمەتكەرلەردىڭ تاۋلىك بويى كەزەكشىلىگى ۇيىمداستىرىلدى.