الماتى قالاسىنىڭ سپورت باسقارماسى جانكۇيەرلەردەن كەزەك پەن كەپتەلىس بولدىرماۋ ءۇشىن قازاقستان مەن نورۆەگيا قۇرامالارى اراسىنداعى فۋتبول ماچىنىڭ الدىندا ورتالىق ستاديونعا ەرتەرەك كەلۋدى سۇرايدى، دەپ حابارلايدى aqshamnews.kz.
ۋەفا ۇلتتار ليگاسىنىڭ ماچى 6 قىركۇيەك كۇنى ساعات 19:00-دە الماتىداعى ورتالىق ستاديوندا وتەدى. ستاديوننىڭ كىرەبەرىسىندە كەزەك پەن كەپتەلىس بولماۋى ءۇشىن جانكۇيەرلەردەن ماچ باستالعانعا دەيىن 2 ساعات بۇرىن ستاديونعا كەلۋلەرىن وتىنەمىز.
سپەكۋلياسيالاردىڭ الدىن الۋ ماقساتىندا بيلەتتەر ويىن كۇنى ماچ باستالعانعا دەيىن 2 ساعات بۇرىن ساتىپ الۋ كەزىندە كورسەتىلگەن e-mail-گە جىبەرىلەتىنىن ەسكە سالامىز.
سونداي-اق، تۇسىنىسپەۋشىلىكتەردى بولدىرماۋ ءۇشىن بيلەتتەردى ءۇشىنشى تۇلعالاردان ساتىپ الماۋلارىڭىزدى سۇرايمىز.